2025 ඉන්දීය ප්‍රිමියර් ලීග් ක්‍රිකට් තරගාවලියේ ඊයේ (03) Kolkata Knight Riders හා Sunrisers Hyderabad කණ්ඩ‍ායම් අතර පැවති තරගයෙන් ලකුණු 80 ක ජයක් වාර්තා කිරීමට Kolkata Knight Riders කණ්ඩායම සමත් වුණා.
තරගයේ කාසියේ වාසිය දිනාගත් Sunrisers Hyderabad කණ්ඩායම පළමුවෙන් පන්දුවට පහරදීමට Kolkata Knight Riders කණ්ඩායමට ආරාධනා කළ අතර, ඔවුන් සිය පන්දුවාර 20 තුළ කඩුලු 6 ක් දැවී ලකුණු 200 ක් ලබා ගත්තා.
පිළිතුරු ඉනිම ක්‍රීඩා කළ Sunrisers Hyderabad කණ්ඩායම පන්දුවාර 16 යි පන්දු 4 ක් අවසානයේ සියලු දෙනා දැවී ලබා ගත්තේ ලකුණු 120 ක් පමණයි.
සිය මංගල IPL තරගය සඳහා Sunrisers Hyderabad කණ්ඩායම නියෝජනය කළ කමිඳු මෙන්ඩිස් පන්දු යැවීමේදී එක් කඩුල්ලක් බිඳ හෙළීමට සමත් වූ අතර පන්දුවට පහරදීමේදී ලකුණු 27 ක් ලබා ගැනීමට සමත් වුණා.
