සිව් වැනි දකුණු ආසියානු කනිෂ්ඨ මලල ක්‍රීඩා තරගාවලියේ අනු ශූරතාව ශ්‍රී ලංකා කණ්ඩායමට..!!

දශකයකට පසු එංගලන්තය පරාජය කරමින් ටෙස්ට් තරග ජයග්‍රහණයක් ලබා ගැනීමට ශ්‍රී ලංකා කණ්ඩායම සමත්වෙයි..!!

Cricket

ශ්‍රී ලංකාව සහ නවසීලන්තය අතර පළමු ටෙස්ට් ක්‍රිකට් තරගය හෙට (18) ගාල්ල අන්තර්ජාතික ක්‍රිකට් ක්‍රීඩාංගනයේදී ආරම්භ කිරීමට නියමිතයි.

ශ්‍රී ලංකාව සහ නවසීලන්තය අතර පළමු ටෙස්ට් ක්‍රිකට් තරගය, හෙට ගාල්ල අන්තර්ජාතික ක්‍රිකට් ක්‍රීඩාංගනයේදී ආරම්භ කිරීමට නියමිතයි. ප්‍රේක්ෂකයින්ට තරගය නොමිලයේ නැරඹිය හැකියි. ශ්‍රී ලංකා ක්‍රිකට් ආයතනය, හෙට තරගයට සහභාගී වන ශ්‍රී ලංකා කණ්ඩායමේ අවසන් ක්‍රීඩකයින් 11 දෙනා අද නිවේදනය කළා. ඒ අනුව, ආරම්භක පිතිකරුවන් වන්නේ, දිමුත් කරුණාරත්න සහ පැතුම් නිස්සංකයි. දිනේෂ් චන්දිමාල් පිතිකරණ ලැයිස්තුවේ තුන්වැනි ස්ථානයේ ක්‍රීඩා කිරීමට නියමිතයි. ඇන්ජලෝ මැතිව්ස්, කමිදු මෙන්ඩිස් සහ ධනංජය ද සිල්වා ද මුල්පෙළ පිතිකරුවන් ලෙස ක්‍රීඩා කරන අතර, කුසල් මෙන්ඩිස් කඩුලු රකින්නා ලෙස, කැඳවා තිබෙනවා. රමේෂ් මෙන්ඩිස් සහ ප්‍රභාත් ජයසූරිය, දඟ පන්දු යවන්නන් ලෙසත්, ලහිරු කුමාර සහ අසිත ප්‍රනාන්දු වේග පන්දු යවන්නන් ලෙසත්, හෙට තරගයට ක්‍රීඩා කරනු ඇති. කණ්ඩායම් දෙක අතර, පළමු ටෙස්ට් ක්‍රිකට් තරගයට විවේක දිනයක් ද ඇතුළත් වන අතර, ලබන 21 වැනිදා ජනාධිපතිවරණය හේතුවෙන් තරගය පැවැත්වෙන්නේ නැහැ. ඒ අනුව, 23 වැනිදා තරගය අවසන් වීමට නියමිතයි

සැප්තැම්බර් 17, 2024 - Sudarsha Warnakulasooriya

ශ්‍රී ලංකාව දකුණු අප්‍රිකාවේදී දකුණු අප්‍රිකාවට එරෙහිව නිල නොවන තරගයකදී ලද ප්‍රථම ටෙස්ට් ජයග්‍රහණය වාර්තා කරයි..!!

ඕෂධ ප්‍රනාන්දුගේ සුපිරි පිතිකරණයෙන් බල ගැන්වුනු ශ්‍රී ලංකාව දකුණු අප්‍රිකාවේදී දකුණු අප්‍රිකාවට එරෙහිව නිල නොවන තරගයකදී ලද ප්‍රථම ටෙස්ට් ජයග්‍රහණය වාර්තා කිරීමට සමත් වුනා. ඒ ශ්‍රී ලංකා ඒ කණ්ඩායම සහ දකුණු අප්‍රිකානු ඒ කණ්ඩායම අතර කිම්බර්ලි හිදී පැවති පළමු නිල නොවන ටෙස්ට් තරගය කඩුලු 6කින් ජය ගනිමින්. ප්‍රථමයෙන් පන්දුවට පහර දුන් දකුණු අප්‍රිකාව සියල්ලන් දැවී ලකුණු 372 ක් ලබා ගත්තා. මැතිව් බ්‍රීට්ස්කි ලකුණු 129 යි. එෂාන් මාලිංග කඩුලු 4ක් දවා ගත්තා. ශ්‍රී ලංකා පළමු ඉනිම 323යි. ඕෂධ ප්‍රනාන්දු ලකුණු 122ක් ලබා ගත්තා. බෙයර්ස් ස්වන්පෝල් කඩුලු 4ක් දවා ගත්තා. දකුණු අප්‍රිකා දෙවන ඉනිම විනාශ කළ ඉසිත විජේසුන්දර අප්‍රිකානු කඩුලු 7ක් දවා ගත්තා. අප්‍රිකාවට ලබා ගත හැකි වුයේ ලකුණු 124ක් පමණයි. ලකුණු 174ක ජයග්‍රාහී ඉලක්කයක් හඹා ගිය ශ්‍රී ලංකාව කඩුලු 4ක් පමණක් දැවී අදාල ඉලක්කයට ළඟා වුනා. ප්‍රථම ඉනිම නැවතූ තැනින් පටන් ගෙන ශ්‍රී ලංකාව නිරුපද්‍රිතව ජයග්‍රහණය වෙත කැඳවා ගෙන ගිය ඕෂද ලකුණු 80ක් ලබා ගනිමින් තරගයේ වීරයා බවට පත් වුනා.

සැප්තැම්බර් 12, 2024 - Sudarsha Warnakulasooriya

දශකයකට පසු එංගලන්තය පරාජය කරමින් ටෙස්ට් තරග ජයග්‍රහණයක් ලබා ගැනීමට ශ්‍රී ලංකා කණ්ඩායම සමත්වෙයි..!!

දශකයකට පසු එංගලන්තය පරාජය කරමින් ටෙස්ට් තරග ජයග්‍රහණයක් ලබා ගැනීමට ශ්‍රී ලංකා කණ්ඩායම සමත් වුනා. දෙරට අතර ටෙස්ට් තරග මාලාවේ තෙවැන්න ඕවල් පිටියේදී පැවැත්වුනු අතර කාසියේ වාසිය දිනා පන්දු රැකීමට ශ්‍රී ලංකාව තීරණය කළා. එංගලන්ත පළමු ඉනිම ලකුණු 335 කට සීමා කිරීමට ශ්‍රී ලංකා වේග පන්දු යවන්නෝ සමත් වුනා. මිලාන් රත්නායක කඩුලු 3ක් බිඳ හෙලද්දී විශ්ව සහ ලහිරු කඩුලු 2බැගින් දවා ගත්තා. නායක ඔලී පෝප් ලකුණු 154යි. ශ්‍රී ලංකා පළමු ඉනිම ලකුණු 263 යි. නායක ධනන්ජය ලකුණු 69ක්, පැතුම් සහ කමිදු ලකුණු 64 බැගින් ලබා ගත්තා. ජොස් හල් සහ ඔලී ස්ටෝන් කඩුලු 3 බැගින් දවා ගත්තා. එංගලන්ත දෙවැනි ඉනිම ලකුණු 156 කට සීමා කරමින් ලහිරු කඩුලු 4ක් විශ්ව කඩුලු 3ක් අසිත කඩුලු 2ක් දවා ගත්තා. ශ්‍රී ලංකාවට හිමිවූ ජයග්‍රාහී ඉලක්කය ලකුණු 219ක්. එය කඩුලු 2ක් පමණක් දැවී ලබා ගන්නට ඔවුන් සමත් වුනා. ශ්‍රී ලංකා ජයග්‍රහණයේ නැංගුරම වෙමින් පැතුම් නිස්සංක නොදැවී ලකුණු 127 ක් ලබා ගත්තා. ඒ අනුව 2014 අගෝස්තුවේ ලීඩ්ස් හිදී ලද ඓතිහාසික ජයග්‍රහණයෙන් වසර 10 කට පසු එංගලන්තය පරාජය කිරීමට ශ්‍රී ලංකා කණ්ඩායම සමත් වුනා. වසර 26කට පෙර 1998 වසරේ ඕවල් පිටියේ ලැබූ ජයග්‍රහණයෙන් පසු මේ දක්වා මෙම පිටියේ සහභාගී වූ තරග දෙකේම ජය ශ්‍රී ලංකාවට හිමි කර දෙමින් මෙම ජයග්‍රහණයට ඕවල් ක්‍රීඩාංගණයත් සාක්ෂි දරනවා ඇති.

සැප්තැම්බර් 10, 2024 - Sudarsha Warnakulasooriya

View All

Other News Tab

වෙළෙඳ සේවා ක්‍රිකට් සංගමය විසින් සංවිධානය කරනු ලබන වෙළෙඳ සේවා “C” කාණ්ඩයේ පන්දුවාර 50 ලීග් ක්‍රිකට් තරගාවලියේ අනුග්‍රාහක චෙක්පත් ප්‍රධානය

වෙළෙඳ සේවා ක්‍රිකට් සංගමය විසින් සංවිධානය කරනු ලබන වෙළෙඳ සේවා "C" කාණ්ඩයේ පන්දුවාර 50 ලීග් ක්‍රිකට් තරගාවලියේ අනුග්‍රාහක චෙක්පත් ප්‍රධානය අද සිදු කෙරුණා. එම අවස්ථාවද NDB බැංකුවේ විදායක ශ්‍රේණියේ නිලධාරීන්,වෙළඳ සේවා ක්‍රිකට් සංගමයේ මේ නිලධාරින් ඇතුළු පිරිසක් එක් ව සිටියා. කණ්ඩායම් පහක සහභාගිත්වයෙන් පසුගිය ජූලි මාසයේ තරගාවලියේ මූලික වටේ තරග ආරම්භ කෙරුණා. ලීග් ක්‍රමය යටතේ මූලික තරග 13 ක් පැවති අතර කණ්ඩායම් පහ අතරින් මුල් ස්ථාන හතර හිමි කරගත් කණ්ඩායම් අවසන් පූර්ව වටයට සුදුසුකම් ලැබුවා. පළමු අවසන් පූර්ව තරගය පසුගිය හත් වැනි දා පැවැත්වුණේ LOLC Holdings සහ MAS Unichela ,කණ්ඩායම් අතර. දෙවැනි අවසන් පූර්ව Navaloka Hospital සහ David Pieris A කණ්ඩායම් සුදුසුකම් ලබා තිබෙනවා. නමුත් තවමත් දෙවැනි අවසන් පූර්ව තරගය තවත් වෙන දිනයක් නිවේදනය කර නැහැ. තරගාවලිය සැප්තැම්බර් මස 28 වැනිදා අවසන් වීමට නියමිතයි.

සැප්තැම්බර් 13, 2024 - Sudarsha Warnakulasooriya

අවුරුදු 20 න් පහළ ලෝක ශූරතා මල්ලවපොර තරගාවලියේදී ශ්‍රී ලංකාවට ලෝකඩ පදක්කමක් හිමි කර දුන් නෙත්මි අහිංසා ඊයේ (08) රාත්‍රී දිවයිනට..!!

වයස අවුරුදු 20 න් පහළ ලෝක ශූරතා මල්ලවපොර තරගාවලියේදී ශ්‍රී ලංකාවට ලෝකඩ පදක්කමක් හිමි කර දුන් නෙත්මි අහිංසා ක්‍රීඩිකාව ඊයේ රාත්‍රී දිවයිනට පැමිණියා. ඇය පිළිගැනීම සඳහා ක්‍රීඩා අමාත්‍යාංශ සහ ශ්‍රී ලංකා මල්ලවපොර සම්මේලනයේ නිලධාරීන් ඇතුළු පිරිසක් කටුනායක ගුවන්තොටු‍පොළට පැමිණ සිටියා. තරගාවලිය පැවැත්වුණේ, ස්පාඤ්ඤයේදී. ලෝක මලල්වපොර සම්මේලනය විසින් සංවිධාන කළ තරගාවලියට, රටවල් 100 කට අධික සංඛ්‍යාවකින් ක්‍රීඩක ක්‍රීඩිකාවන් 600 ක් පමණ සහභාගී වුණා. කිලෝග්රෑම් 53 බර පන්තියෙන් ඇය ලෝකඩ පදක්කම සඳහා තරගයේදී ස්වාධීන ක්‍රීඩිකාවන් ලෙස තරගයට එක් වූ රුසියාවේ වැලෙරියා මිකිට්ස්ච් පරාජය කළේ, ලකුණු 6 ට 2 ක් ලෙසයි. ඒ අනුව, නෙත්මි අහිංසා ලෝකඩ පදක්කම හිමි කර ගත් අතර, මෙරට ක්‍රීඩා ඉතිහාසයේ මල්ලවපොර ක්‍රීඩාවෙන් ලෝක මට්ටමේ ජයග්‍රහණයක් ලැබූ පළමු අවස්ථාව ලෙසයි, එය ඉතිහාසයට එක් වුණේ. කුරුණෑගල පන්නල වෙල්පල්ල සංඝරතන මහා විද්‍යාලයේ ශිෂ්‍යාවක වන නෙත්මිගේ පුහුණුකරු වන්නේ, සුරංග කුමාර මහතායි.

සැප්තැම්බර් 9, 2024 - Sudarsha Warnakulasooriya

නව ලෝක වාර්තාවක්ද සමඟින් පැරාලිම්පික් ක්‍රීඩා උලෙලේදී ශ්‍රී ලංකාවට රිදී පදක්කමක් දිනා දෙන්නට සමිත දුලාන් සමත්වෙයි..!!

මෙවර පැරිස් පැරාලිම්පික් ක්‍රීඩා උලෙලේදී ශ්‍රී ලංකාවට රිදී පදක්කමක් දිනා දෙන්නට සමිත දුලාන් අද සමත්වුණා. ඒ F64 කාණ්ඩයේ පිරිමි හෙල්ල විසි කිරීමේ ඉසව්වෙන්. සමිත දුලාන් මෙහිදී වාර්තා කළ දක්ෂතාව මීටර 67.03ක්. එය ඔහු ඇතුළත් F64 කාණ්ඩයේ ලෝක වාර්තාවද යළි අලුත් කිරීමක්. පැරාලිම්පික් F64 කාණ්ඩයේ හෙල්ල විසි කිරීමේ ඉසව්ව සඳහා F42, 43, 44, 62, 63 යන කාණ්ඩවලට අයත් පැරා ක්‍රීඩකයින් ඇතුළත්. කාණ්ඩ කිහිපයත් මෙම තරග ඉසව්ව සඳහා ඇතුළත් වුණත් මෙහිදී පදක්කම් හිමිවන්නේ හොඳම දක්ෂතාව දක්වන තිදෙනාටයි. කෙසේ වෙතත් අදාළ ක්‍රීඩකයාගේ දක්ෂතාව තමන් අයත් කාණ්ඩයට ඇතුළත් වන අතර ඒ අනුවයි F44 කාණ්ඩයට ඇතුළත්ව සිටින සමිත දුලාන්ගේ දක්ෂතාව එම කාණ්ඩයේ ලොක් වාර්තාවක්ව ලෙසයි සටහන් වුණේ මීට පෙරද එම ලෝක වාර්තාවට හිමිකම් කීවේ සමිත දුලාන්. සමිත දුලාන් මීට පෙර 2020 ටෝකියෝ පැරාලිම්පික් ක්‍රීඩා උලෙලේදී F44 කාණ්ඩයේ ලෝකඩ පදක්කම ශ්‍රී ලංකාවට හිමි කර දුන්නා. ඒ අනුව සමිත දිනාගත් දෙවන පැරාලිම්පික් පදක්කම මෙයයි.

සැප්තැම්බර් 3, 2024 - Sudarsha Warnakulasooriya

View All

Football News

ශ්‍රී ලංකා ජාතික පාපන්දු කණ්ඩායම ඊයේ (11) රාත්‍රී නැවතත් මෙරටට !!

ආසියානු කුසලාන පාපන්දු ශූරතා තරගාවලියේ තුන් වන වටයට පිවිසීම සදහා සුදුසුකම් ලබා ගත් ශ්‍රී ලංකා ජාතික පාපන්දු කණ්ඩායම 09/11 දින රාත්‍රී කටුනායක ගුවන් තොටුපොළ වෙත පැමිණියහ . ශ්‍රී ලංකා ජාතික පාපන්දු කණ්ඩායම ඉකුත් 09/05 දින කාම්බෝජය සමග කොළඹ දී පැවති තරගය ජය පරාජයෙන් තොරව අවසන් වීමත් සමග එහි තවත් තරගයක් මෙම දෙරට අතර කාම්බෝජයේ නොන්පෙන් නුවර 09/10 දින පවත්වා තිබුණි . එහිදී මෙම දෙරට 2 - 2 ක් ලෙස සමාන ආකාරයෙන් ගෝල වාර්තා කර තිබීම නිසා ඔවුන්ට හිමි වූ දඩුවම් පහර ශ්‍රී ලංකා කණ්ඩායම 4 - 2 ක් ලෙස සාර්ථක කර ගැනීමත් සමග මෙම ජයග්‍රහණය හිමි කර ගැනීමට අවස්ථාව උදා කර ගෙන තිබුණි . මෙම ජයග්‍රාහී ශ්‍රී ලංකා පාපන්දු කණ්ඩායම 09/11 දින රාත්‍රී 11.10 ට සිංගප්පූරුවේ සිට සිංගප්පූරු ගුවන් සේවයේ එස්.කිව්.- 468 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි . ඔවුන් පිළිගැනීම සදහා අති විශාල පාපන්දු ක්‍රීඩකයින් සහ පාපන්දු ලෝලීන් පිරිසක් කටුනායක ගුවන් තොටුපොළ පැමිණීමේ පර්යන්තය වෙත පැමිණ සිටියහ

සැප්තැම්බර් 12, 2024 - Sudarsha Warnakulasooriya

ආසියානු කුසලාන පාපන්දු තරගාවලියට සුදුසුකම් ලබාගැනීමේ තරගාවලියේ තුන් වැනි වටයට සුදුසුකම් ලබා ගැනීමට ශ්‍රී ලංකාව සමත්වෙයි..!!

2027 ආසියානු කුසලාන පාපන්දු තරගාවලියට සුදුසුකම් ලබාගැනීමේ තරගාවලියේ තුන් වැනි වටයට සුදුසුකම් ලබා ගැනීමට ශ්‍රී ලංකාව සමත් වුණා. ඒ කාම්බෝජය සමග පැවති දෙවැනි තරගය දඬුවම් පහර මගින් ජයග්‍රහණය කිරීමත් සමඟයි. අදියර දෙකක් යටතේ පැවති මෙහි පළමු තරගය ජය පරාජයෙන් තොරව අවසන් වුනා. තරගය දෙපිලටම තීරණාත්මක වුණේ මීළඟ වටයට සුදුසුකම් ලබා ගැනීමට නම් මෙහි ජයග්‍රහණය අනිවාර්ය වීම හේතුවෙන්. කාම්බෝජයේ දී පැවති අද තරගය ආරම්භයේ සිටම තියුණු මුහුණුවරක් ගත්තා. තරගයේ පළමු ගෝලය 38 වැනි මිනිත්තුවේදී ශ්‍රී ලංකාව වාර්තා කළා. එම ගෝලය ලබා ගත්තේ ඔලිවර් කෙලාට් විසින්. ඒ අනුව තරඟයේ පළමු අර්ධය අවසන් වුනේ ගෝල එකට බිංදුවක් ලෙස ශ්‍රී ලංකාව පෙරමුණ ගනිමින්. අනතුරුව කාම්බෝජය තම පළමු ගෝලය ලබා ගත්තේ තරඟයේ 51 වැනි මිනිත්තුවේදී. තරඟයේ නියමිත කාලය අවසන් වන විට දෙපිලම ගෝල එක බැගින් වාර්තා කර සම තත්ත්වයේ පසුවුණා. ඒ අනුව ජය පරාජය තීරණය කිරීමට අතිරේක කාලයක් ලබා දුන්නා. එහිදී 99 වැනි මිනිත්තුවේදී කාම්බෝජයේ ගෝලයක් වාර්තා කළේ ජයග්‍රහණය පිළිබඳ වැඩි බලාපොරොත්තු තම කණ්ඩායම වෙතට යොමු කර ගනිමින්. නමුත් තරගයේ අවසන් මිනිත්තුවේදී ශ්‍රී ලංකාව වෙනුවෙන් ක්ලව්ඩියා මැට්තිහස් ගෝලයක් වර්තා කිරීමත් සමඟ යළිත් ගෝල තත්ත්වය සම වුණා. ඒ අනුව ජය පරාජය තීරණය කිරීමට දඬුවම් පහර ලබාදුන්නා. කාම්බෝජයේ එල්ල කළ පළමු දඬුවම් පහර දෙක අසාර්ථක වුණේ ශ්‍රී ලංකා කණ්ඩායමේ නායක සුජාන් පෙරේරාගේ සුපිරි ගෝල රැකීමත් සමග. අනතුරුව ඔවුන් දඬුවම් පහර දෙකක් සාර්ථක කර ගත්තා. අනතුරුව ශ්‍රී ලංකාව දඬුවම් පහර හතරක් සාර්ථක කර ගැනීමත් සමඟ ජයග්‍රහණය ශ්‍රී ලංකාව සතු වුනා. මෙම ජයග්‍රහණයත් සමඟ ශ්‍රී ලංකා කණ්ඩායමට තරගාවලියේ තුන්වෙනි වටයට සුදුසුකම් ලබා ගැනීමේ අවස්ථාව හිමි හිමි වුණා. මේ අතර මෙම ජයග්‍රහණය හේතුවෙන් ශ්‍රී ලංකා කණ්ඩායමට ලෝක පාපන්දු ශ්‍රේණිගත කිරීම් අනුව 201 හෝ 200 ස්ථානය දක්වා ඉදිරියට පැමිණීමේ අවස්ථාවද හිමිවනවා.

සැප්තැම්බර් 11, 2024 - Sudarsha Warnakulasooriya

View All

සිව් වැනි දකුණු ආසියානු කනිෂ්ඨ මලල ක්‍රීඩා තරගාවලියේ අනු ශූරතාව ශ්‍රී ලංකා කණ්ඩායමට..!!

දශකයකට පසු එංගලන්තය පරාජය කරමින් ටෙස්ට් තරග ජයග්‍රහණයක් ලබා ගැනීමට ශ්‍රී ලංකා කණ්ඩායම සමත්වෙයි..!!

දශකයකට පසු එංගලන්තය පරාජය කරමින් ටෙස්ට් තරග ජයග්‍රහණයක් ලබා ගැනීමට ශ්‍රී ලංකා කණ්ඩායම සමත්වෙයි..!!

ශ්‍රී ලංකා ජාතික පාපන්දු කණ්ඩායම ඊයේ (11) රාත්‍රී නැවතත් මෙරටට !!

SIGN UP FOR OUR NEWSLETTER TO STAY CONNECTED