Featured Sports
Videos
Recent News
Follow Us
Cricket
  • Cricket
  • Cricket News
  • Popular
  • Recent
  • Sinhala
  • Trending

ශ්‍රී ලංකාව සමග එලඹෙන ටෙස්ට් තරඟාවලිය සඳහා ඔස්ට්‍රේලියානු සංචිතය නම් කරයි.

ශ්‍රී ලංකාව සමග ටෙස්ට් තරග දෙකකට සහ එක්දින තරගයකට සහභාගි වන ඔස්ට්‍රේලියානු කණ්ඩායම අද නම් කෙරුණා. එහි නායකත්වය දරන්නේ ස්ටීවන් ස්මිත්. ඊට ක්‍රීඩකයින් 16 දෙනෙකු ඇතුළත්. Steve Smith (c) Travis Head (vc) Sean Abbott Scott Boland Alex Carey Cooper Connolly Josh Inglis Usman Khawaja Sam Konstas Matt Kuhnemann Marnus Labuschagne Nathan Lyon Nathan McSweeney Todd Murphy Mitchell Starc Beau Webster ඔස්ට්‍රේලියානු කණ්ඩායමේ නිත්‍ය නායක පැට් කමින්ස් පුද්ගලික හේතුවක් මත තරගාවලියට සහභාගී වන්නේ නැහැ. එම නිසා ස්ටීවන් ස්මිත් කණ්ඩායමේ නායකත්වය දරනු ඇති. දෙරට අතර පැවැත්වෙන ක්‍රිකට් තරගාවලියට ටෙස්ට් තරග දෙකක් සහ එක්දින තරගයක් ඇතුළත්. පළමු සහ ‍දෙවන ටෙස්ට් තරග පිළිවෙළින් ලබන 29 වැනිදා සහ පෙබරවාරි 6 වැනිදා පැවැත්වෙන්නේ, ගාල්ල අන්තර් ජාතික ක්‍රිකට් ක්‍රීඩාංගණයේදී. එක්දින තරගය පෙබරවාරි 13 වැනිදා හම්බන්තොට මහින්ද රාජපක්ෂ ක්‍රීඩාංගණයේදී පැවැත්වීමට නියමිතයි.

ජනවාරි 9, 2025 - Sudarsha Warnakulasooriya

  • Cricket
  • Cricket News
  • Popular
  • Recent
  • Trending

නවසීලන්තයෙන් බිහිවූ සුපිරි පිතිකරුවෙකු වන Martin Guptil ජාත්‍යන්තර ක්‍රිකට් පිටියට සමුදෙයි.

නවසීලන්තයෙන් බිහිවූ සුපිරි පිතිකරුවෙකු වන මාර්ටින් ගප්ටිල් ජාත්‍යන්තර ක්‍රිකට් පිටියෙන් සමුගැනීමට තීරණය කර තිබෙනවා. 38 හැවිරිදි වියේ පසුවන ඔහු ඉදිරියටත් ලොව පුරා ඇති ලීග් තරගවලට සහභාගී වීමටයි තීරණය කර ඇත්තේ. නවසීලන්තය වෙනුවෙන් එක්දින තරග 198කට ක්‍රීඩා කර ඇති ගප්ටිල් රැස්කරගෙන ඇති ලකුණු සංඛ්‍යාව 7,346ක්. නවසීලන්තය වෙනුවෙන් වැඩිම එක්දින ලකුණු සංඛ්‍යාවක් රැස්කල තුන්වන පිතිකරුවා වන්නේද මාටින් ගප්ටිල්. ගප්ටිල් ලෝකයේ දැඩි කතාබහකට ලක් වුණේ 2015 වසරේදී බටහිර ඉන්දීය කොදෙව් කණ්ඩායමට එරෙහිව නොදැවී ලකුණු 237ක් රැස්කර ගැනීමත් සමඟයි. එය අදටත් පිතිකරුවෙකු එක්දින පිටියේ රැස්කළ දෙවන වැඩිම ලකුණු සංඛ්‍යාවයි. ඔහු විස්යි විස්ස තරග 122දී ලකුණු 3,531ක් රැස්කරගෙන සිටිනවා. කෙසේ වෙතත් ගප්ටිල්ට 2022 ඔක්තෝම්බර් මාසයේ සිට මේ දක්වා නවසීලන්ත කණ්ඩායමේ ස්ථානයක් දිනා ගැනීමට හැකි වුණේ නැහැ.

ජනවාරි 9, 2025 - Sudarsha Warnakulasooriya

  • Cricket
  • Cricket News
  • Popular
  • Recent
  • Sinhala
  • Trending

2025 වසරේ පළමු කඩුලු ත්‍රිත්වය මහීෂ් තීක්ෂණගෙන්.

මෙම වසරේ පළමු කඩුලු ත්‍රිත්වය වාර්තා කිරීමට ශ්‍රී ලංකා කණ්ඩායමේ මහීෂ් තීක්ෂණ සමත් වුණා. ඒ නවසීලන්තය සමග අද පැවැති දෙවැනි එක්දින තරගයේදී. එම තරගයෙන් නවසීලන්තය ජය ගත්තේ ලකුණු 113 කින්. හැමිල්ටන්හිදී පැවැති එක් ඉනිමක් වර්ෂාව හේතුවෙන් පන්දු වාර 37කට සීමා කෙරුණා. පළමුවෙන් පන්දුවට පහර දුන් නවසීලන්තය නියමිත පන්දු වාර 37 ඇතුළත කඩුලු නවයක් දැවී ලකුණු 255 ක් රැස් කලා. මහීෂ් තීක්ෂණ කඩුලු 4 ක් දවා ගත්තා. මහීෂ් තීක්ෂණගේ කඩුලු ත්‍රිත්වය හමුවේ දැවී ගියේ මිචෙල් සැන්ට්නර්, නේතන් ස්මිත් සහ මැට් හෙන්රි යන ක්‍ර්‍රීඩකයින්. මීට පෙර චමින්ද වාස්, ලසිත් මාලිංග, ෆර්ර්විස් මහරූෆ්, තිසර පෙරේරා, වනිදු හසරංග සහ ඩිල්ශාන් මදුශංක ශ්‍රී ලංකාව වෙනුවෙන් එක් දින ක්‍රිකට් තරගවලදී කඩුලු ත්‍රිත්ව දවාගෙන තිබුණා. ශ්‍රී ලංකාව වෙනුවෙන් එක්දින තරගයක කඩුලු ත්‍රිත්වයක් දවා ගත් 7 වැනි පන්දු යවන්නා ලෙසයි ඔහු ඉතිහාසයට එක් වුණේ. මේ අතර නවසීලන්තයට එරෙහිව එක්දින තරගයක කඩුලු තිත්වයක් දවා ගත් පළමු ශ්‍රී ලාංකික පන්දු යවන්නා වන්නේද මහීෂ් තීක්ෂණයි. පිලිතුරු ඉනිමක් ක්‍රීඩා කළ ශ්‍රී ලංකාව පන්දු වාර 30 යි පන්දු 2 කදී සියලු ක්‍රීඩකයින් දැවී රැස්කලේ ලකුණු 142 ක් පමණයි. කමිදු මෙන්ඩිස් ලකුණු 64 යි.

ජනවාරි 8, 2025 - Sudarsha Warnakulasooriya

View All
Football News
  • Football
  • Popular
  • Recent
  • Trending

යේමනය සමග පැවති පලමු සුහද පාපන්දු තරගයේ ජය ශ්‍රී ලංකාවට !!

යේමනය සමග ඊයේ (16) පැවති සුහද පාපන්දු තරගය ජය ගැනීමට ශ්‍රී ලංකාව සමත්වුණා.  තරගය පැවැත්වුනේ කටාර්හිදි.
තරගයේ පළමු අර්ධය නිමා වන විට කිසිදු ගෝලයක් වාර්තා කිරීමට දෙපිළම සමත් වූයේ නැහැ.
දෙවැනි අර්ධයේ 89 වැනි මිනිත්තුවේදි ශ්‍රී ලංකා කණ්ඩායම වෙනුවෙන් ජැක් හැන්ගර් පළමු ගෝලය ලබාගත්තා.
නියමිත කාලය අවසන් වන තෙක් ප්‍රතිවාදි යේමන ක්‍රීඩකයින්ට, ගෝල ලබාගැනීමට හැකි වූයේ නැහැ.
ඒ අනුව ගෝල 1 - 0 ක් ලෙස තරගයේ ජය හිමිකර ගැනීමට ශ්‍රී ලංකා කණ්ඩායම සමත් වුණා.
යේමනය මේ වනවිට ලෝක පාපන්දු ශ්‍රේණිගත කිරීම්වලට අනුව 154 වැනි ස්ථානයේ පසුවන අතර ශ්‍රී ලංකාවට 203 වැනි ස්ථානය හිමියි.
දෙපිළ අතර දෙවැනි සුහද පාපන්දු තරගය හෙට පැවැත්වීමට නියමිතයි.

නොවැම්බර් 17, 2024 - Sudarsha Warnakulasooriya

  • Football
  • Popular
  • Recent
  • Sinhala
  • Trending

දකුණු ආසියානු කාන්තා පාපන්දු තරගාවලියේ සහභාගී වූ පළමු තරගයෙන් ජය හිමි කර ගැනීමට ශ්‍රී ලංකා ක්‍රීඩිකාවන් සමත්වෙයි..!!

නේපාලයේ කත්මන්ඩු නුවරදී පැවැත්වෙන දකුණු ආසියානු කාන්තා පාපන්දු තරගාවලියේ තමන් සහභාගී වූ පළමු තරගයෙන් ජය හිමි කර ගැනීමට ශ්‍රී ලංකා කණ්ඩායම සමත් වුණා. ඒ මාලදිවයින් පරාජය කරමින්. තරගයේ 17 වැනි මිනිත්තුවේදී ඉමේෂා වර්ණකුලසූරිය ශ්‍රී ලංකාව වෙනුවෙන් පලමු ගෝලය වාර්තා කළා. තරගයේ නියමිත කාලය අවසන් වන තෙක් මාලදිවයින ගෝල වාර්තා කලේ නැහැ. ඒ අනුව තරගය ශ්‍රී ලංකා ක්‍රීඩිකාවන් තරගය ජය ගත්තේ ගෝල 1 ට 0 ක් ලෙසයි.

ඔක්තෝබර් 18, 2024 - Sudarsha Warnakulasooriya

View All
Other News
  • Cricket News
  • Popular
  • Recent
  • Sinhala
  • Women's Cricket

බංග්ලාදේශ 19 න් පහළ කාන්තා ක්‍රිකට් කණ්ඩායම සමග පැවති දෙවැනි ඨ්20 තරගයෙන් ශ්‍රි ලංකා 19න් පහළ ක්‍රීඩිකාවන්ට ලකුණු 65 ක ජයක්

බංග්ලාදේශය වයස අවුරුදු 19 න් පහළ කාන්තා ක්‍රිකට් කණ්ඩායම සමග පැවති දෙවැනි 20 - 20 ක්‍රිකට් තරගයෙන් ලකුණු 65 ක ජයක් ලබා ගැනීමට ශ්‍රි ලංකා වයස 19 න් පහළ කාන්තා කණ්ඩායම සමත්වුණා. තරගය ඊයේ පැවැත්වුණේ, තර්ස්ටන් ක්‍රීඩාංගණයේ දී. ‍තරගයේ පළමුවෙන් පන්දුවට පහරදුන් ශ්‍රී ලංකා 19 න් පහළ ක්‍රීඩිකාවන්, පන්දුවාර 20 ඇතුළත, කඩුලු 4 ක් දැවී ලකුණු 125 ක් රැස් කළා. නායිකා මනුධි නානායක්කාර ලකුණු 50 යි. රශ්මිකා සෙව්වන්දි ලකුණු 27 ක් රැස් කළා. පන්දු යැවීමේ දී නිශිතා අක්තර් කඩුලු 2 යි. පිළිතුරු ලෙස බංග්ලාදේශ යොවුන් ක්‍රීඩිකාවන්ට පන්දුවාර 12 යි පන්දු ‍2 කදී සියලු ක්‍රීඩිකාවන් දැවී රැස් කිරීමට හැකි වුණේ, ලකුණු 60 ක් පමණයි. සාදියා අක්තර් ලකුණු 18 යි. පන්දු යැවීමේ දී චමෝධි ප්‍රබෝධා සහ අසේනී තලගු‍ණේ කඩුලු 3 බැගින් බිඳ හෙලුවා.

ජනවාරි 7, 2025 - Sudarsha Warnakulasooriya

  • Cricket
  • Cricket News
  • Popular
  • Recent
  • Sinhala

බංග්ලාදේශ 19 න් පහළ කාන්තා කණ්ඩායම සමග පළමු T20 තරගයෙන් ශ්‍රී ලංකා අවුරුදු 19 න් පහළ කාන්තා කණ්ඩායමට කඩුලු 5 ක ජයක්

බංග්ලාදේශ වයස 19 න් පහළ කාන්තා කණ්ඩායම සමග පැවති පළමු 20-20 ක්‍රිකට් තරගය කඩුලු 5 කින් ජය ගැනීමට ශ්‍රී ලංකා වයස අවුරුදු 19 න් පහළ කාන්තා කණ්ඩායම සමත් වුණා. තරගය ඊයේ පැවැත්වුණේ, කොළඹ තර්ස්ටන් ක්‍රීඩාංගනයේදී. තරගයේ පළමුවෙන් පන්දුවට පහර දුන්, බංග්ලාදේශ 19 න් පහළ කණ්ඩායම, පන්දුවාර 19 යි පන්දු 3 කදී සියලු ක්‍රීඩිකාවන් දැවී ලකුණු 109 ක් රැස් කළා. ජනතුල් මව්වා ලකුණු 34 යි. සුමයියා අක්තර් ලකුණු 29 ක් රැස් කළා. පන්දු යැවීමේදී ලිමන්සා තිලකරත්න සහ රෂ්මිකා සෙව්වන්දි ‍කඩුලු 2 බැගින් බිඳහෙලුවා. පිළිතුරු ලෙස ශ්‍රී ලංකා ක්‍රීඩිකාවන් තරගය ජය ගත්තේ, පන්දුවාර 18 යි පන්දු 5 කදී කඩුලු 5 ක් දැවී ලකුණු 112 ක් රැස් කරමින්. දහමි සෙනෙත්මා නොදැවී ලකුණු 29 යි. සුමුදු නිසංසලා ලකුණු 27 ක් රැස් කළා.

ජනවාරි 6, 2025 - Sudarsha Warnakulasooriya

  • Cricket
  • Cricket News
  • Popular
  • Recent
  • Trending

සංචාරක ඔස්ට්‍රේලියාව සහ ශ්‍රී ලංකාව අතර ක්‍රිකට් තරගාවලියේ තරඟ කාල සටහන නිවේදනය කරයි..!!

සංචාරක ඔස්ට්‍රේලියාව සහ ශ්‍රී ලංකාව අතර ක්‍රිකට් තරගාවලිය, ජනවාරි 29 වැනිදා ආරම්භ වනවා. ශ්‍රී ලංකා ක්‍රිකට් ආයතනය අද මේ බව නිවේදනය කළා. තරගාවලියට ටෙස්ට් තරග දෙකක් සහ එක්දින තරගයක් ඇතුළත්. පළමු ටෙස්ට් තරගය ලබන 29 වැනිදා ආරම්භ වනවා. දෙවැනි ටෙස්ට් තරගය ලබන මස 6 වැනිදා ආරම්භ වීමට නියමිතයි. එම තරග, ගාල්ල අන්තර් ජාතික ක්‍රිකට් ක්‍රීඩාංගනයේදී පැවැත්වෙනවා. එක්දින තරගය ලබන මස 13 වැනිදා හම්බන්තොට මහින්ද රාජපක්ෂ ක්‍රිකට් ක්‍රීඩාංගන‍යේදී පැවැත්වෙනවා. තරගාවලියට සහභාගී වන ඔස්ට්‍රේලියා කණ්ඩායම ලබන 20 වැනිදා මෙරටට පැමිණීමට නියමිතයි.

ජනවාරි 1, 2025 - Sudarsha Warnakulasooriya