ජාත්‍යන්තර පාපන්දු සම්මේලනය (FIFA) විසින් පාකිස්තාන පාපන්දු සම්මේලනයේ සාමාජිකත්වය තාවකාලිකව අත්හිටුවා තිබෙනවා.
ජාත්‍යන්තර පාපන්දු සම්මේලනය විසින් වසර 8ක් තුළ පාකිස්තානයට ජාත්‍යන්තර පාපන්දු තහනමක් පැනවූ තෙවන අවස්ථාව මෙයයි.
ජාත්‍යන්තර පාපන්දු නිර්ණායකයන්ට අනුව පාකිස්තාන පාපන්දු ව්‍යවස්ථාව සංශෝධනය කිරීමට අපොහොසත් වීම මෙම තහනම පැනවීමට ප්‍රධාන වශයෙන් හේතු වූ බවයි වාර්තා වන්නේ.
2019 වසරේ ජුනි මාසයේ සිට පාකිස්තාන සම්මේලනයේ පරිපාලන කටයුතු සිදු කෙරෙන්නේ ජාත්‍යන්තර පාපන්දු සම්මේලනය විසින් පත් කරන ලද කමිටුවක් විසින්.
