බස්නාහිර පළාත් දැල්පන්දු සංගමය සංවිධාන කරන සමස්ත ලංකා දැල්පන්දු තරගාවලිය පිළිබඳ මාධ්‍ය දැනුවත් කිරීම පසුගියදා සිදු කෙරුනා.
එළඹෙන ජනවාරි මස 31 වනදා සහ පෙබරවාරි මස 1වනදා යන දෙදින පුරා කොළඹ ගුවන් හමුදා මූලස්ථාන ක්‍රීඩාංගණයේදී මෙම තරගාවලිය පැවැත්වීමට නියමිතයි.
ඒ කාණ්ඩයෙන් පිරිමි තරග පැවැත්වෙන අතර බී කාණ්ඩය යටතේ කාන්තා තරඟ පැවැත්වෙනවා.
ඒ හා බී යන කාණ්ඩ දෙක යටතේම වයස අවුරුදු 17න් පහළ, 19න් පහළ පාසල් කණ්ඩායම් සඳහා තරග පැවැත්වීමට නියමිත අතර වයස අවුරුදු 40 ට වැඩි විවෘත අංශයෙන් ද මේ සඳහා තරග වැදීමට අවස්ථාව තිබෙනවා.
සියලුම කාණ්ඩ යටතේ ශූරතා සහ අනුශුරතා පිරිනැමීමට නියමිතයි.
මෙම තරගාවලිය සඳහා ප්‍රධාන අනුග්‍රාහකත්වය දක්වනු ලබන්නේ ICL Brands පුද්ගලික සමාගමේ Eva සන්නාමයයි.
