එල් පී එල් ක්‍රිකට් තරගාවලියේ පස් වැනි අදියර අද (01) සිට..!!

එල් පී එල් ක්‍රිකට් තරගාවලියේ පස් වැනි අදියර අද ආරම්භ වනවා.

සමාරම්භක උත්සවයේදී එල් පී එල් ධඡය රැගෙන යන්නේ, ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු විසින්.

එල් පී එල් ක්‍රිකට් තරගාවලියේ සමාරම්භක උත්සවය පල්ලෙකැලේ අන්තර් ජාතික ක්‍රිකට් ක්‍රීඩාංගනයේදී පස්වරු 6.15 ට ආරම්භ වනවා.

තරගාවලියේ සන්නාම තානාපති ඕස්ට්‍රේලියානු හිටපු ක්‍රිකට් නායක මයිකල් ක්ලාක් සහ තරගාවලියට සහභාගී වන කණ්ඩායම් 5 නායකයින් ද ඊට සහභාගී වීමට නියමිතයි.

පසුගිය වසරේදී තරගාවලියේ ශූරතාව හිමි කර ගත්, කැන්ඩි ෆැල්කන්ස් කණ්ඩායමේ නායක වනිඳු හසරංග ශූරයින්ට පිරිනැමෙන කුසලානය ක්‍රීඩාංගනයට රැගෙන ඒමට නියමිතයි.

අද පළමු තරගයට සහභාගී වන්නේ, කැන්ඩ් ‍ෆැල්කන්ස් සහ දඹුල්ල සික්සර්ස් කණ්ඩායම අතරයි.