ආසියානු කුසලාන ක්‍රිකට් තරගාවලියේ තමන් මුහුණ දුන් පළමු තරඟයෙන් බංග්ලාදේශය පරාජය කරමින් කඩුලු හයක ජයක් ලැබීමට ශ්‍රී ලංකාව සමත් වුණා.
අබුඩාබි හිදී පැවති තරගයේ කාසියේ වාසිය දිනූ ශ්‍රී ලංකාව පළමුවෙන්ම පන්දුවට පහර දීමේ අවස්ථාව බංග්ලාදේශයට ලබා දුන්නා.
ඔවුන්ගේ ඉනිමේ පළමු කඩුලු දෙක දැවී ගියේ කිසිදු ලකුණක් රැස්කිරීමට පෙරයි.
බංග්ලාදේශ කණ්ඩායමේ මුල් කඩුලු පහ ලකුණු පනස් තුනකට දවා ගැනීමට ශ්‍රී ලංකා පන්දු යවන්නන් සමත් වුණා.
අනතුරුව හයවැනි කඩුල්ල ජේකර් අලී සහ ශමීම් හොසේන් ගොඩනැගූ නොබිඳුණු සබඳතාව ලකුණු 86 ක්.
ශමීම් හොසේන් නොදැවී ලකුණු 42 ක් සහ ජේකර් අලි නොදැවී ලකුණු 41 ක් රැස් කලා.
මංගලාදේශය පන්දු වාර විස්ස ඇතුළත කඩුලු පහක් දැවී ලකුණු 139 ක් ලබා ගත්තා.
පන්දු යැවීමේදී වනිදු හසරංග කඩුලු 2 යි.
තරගය ජයගැනීම සඳහා ලකුණු 140ක ඉලක්කයක් හඹා යමින් ශ්‍රී ලංකා ඉනිම ආරම්භ කළේ පැතුම් නිස්සංක සහ කුසල් මෙන්ඩිස්.
ඔවුන් දෙදෙනා අතර ආරම්භක කඩුල්ලේ සබඳතාව ලකුණු 13 ක්.
කුසල් ලකුණු 3 යි.
අනතුරුව දෙවැනි කඩුල්ල සඳහා පැතුම් නිස්සංක සහ කමිල් මිශාර ලකුණු
95 ක සබඳතාවක් ගොඩනැගුවා.
පැතුම් නිස්සංක තම දහසය වැනි 20/20 අර්ධ ශතකය සමඟ රැස්කළ ලකුණු සංඛ්‍යාව 50 ක්.
ශ්‍රී ලංකා කණ්ඩායම තරගය ජය ගත්තේ පන්දුවාර 14.4 කදී කඩුලු හතරක් දැවී ලකුණු 140 ක් රැස් කරමින්.
කමිල් මිශාර නොදැවී ලකුණු 46 යි.
තරගයේ වීරයා කමිල් මිශාර.
තරගාවලියේ ශ්‍රී ලංකාව සහභාගි වන දෙවැනි තරගය හෙට හොංකොං කණ්ඩායම සමග පැවත්වෙනවා.
