2025 ආසියානු කුසලානයේ ශ්‍රී ලංකාව සහභාගී වූ පළමු තරගය ඊයේ බංග්ලාදේශයට එරෙහිව අබුඩාබී හීදී පැවැත්වුණා.
කාසියේ වාසිය දිනූ ශ්‍රී ලංකා ක්ණ්ඩායම මුලින්ම පන්දුවට පහරදීමට බංග්ලාදේශයට ආරාධනා කළා.
ඒ අනුව මුලින්ම පන්දුවට පහර දීමට පිටියට පිවිසි බංග්ලාදේශ කණ්ඩායමේ මුල් කඩුලු 5ම 10වන පන්දුවාරය වන විට ලකුණු 53ට දැවීගියේ ගියේය.
ඉන් පසු ජේකර් අලී හා ශමීම් හුසේන් එක්ව 6වන කඩුල්ලට ලකුණු 86ක නොබිඳුණු සබදතාවයක් ගොඩනගමින් මුලු ලකුණු සංඛ්‍යාව ලකුණු 139ක් දක්වා ගෙන ගියා.
ජේකර් අලී නොදැවී ලකුණු 41යි. ශමීම් හුසේන් නොදැවී ලකුණු 42යි.
ව්ශිෂ්ට පන්දු යැවීමක නිරතවෙමින් වනිඳු හසරංග කඩුලු 2ක්, දුෂ්මන්ත චමීර හා නුවන් තුෂාර 1 කඩුල්ල බැගින් දවාගැනීමට සමත් වුණා.
පිලිතුරු ඉනිම ක්‍රීඩා කළ ශ්‍රී ලංකා කණ්ඩායම 15වන පන්දුවාරය වන විට කඩුලු 4ක් දැවී ලකුණු 140ක් ලබාගෙන ජයග්‍රහණය වාර්තා කළා.
සාර්ථක පිතිකරණයක නිරත වූ පැතුම් නිශ්ශංක ලකුණු 50ක් හා කමිල් මිශාර නොදැවී ලකුණු 46ක් ලබාගත්තා.
එසේම පැතුම් නිශ්ශංක, ශ්‍රී ලංකාව වෙනුවෙන් 20-20 තරග රටාවේ අඩුම ඉනිම් සංඛ්‍යාවකින් ලකුණු 2000 ලබාගත් ක්‍රීඩකයා බවට ද පත් වුණා.
ඒ අනුව ශ්‍රී ලංකා කණ්ඩායම තරගාවලියේ පළමු තරගය කඩුලු 6කින් ජයගනිමින් සාර්ථක ආරම්භයක් ලබාගත්තා.
තරගයේ වීරයා සම්මානය දිනාගත්තේ නවක ක්‍රීඩක කමිල් මිශාරයි.
