බංග්ලාදේශය සමග පැවති 20-20 ක්‍රිකට් තරගාවලිය තරග දෙකට එකක් ලෙස ජය ගැනීමට එක්සත් අරාබි එමීර් රාජ්‍යය සමත්වුණා.තරගාවලියේ තුන්වැනි තරගය එක්සත් අරාබි එමීර් රාජ්‍ය ජයගත්තේ කඩුලු 7 කින්.
බංග්ලාදේශය සහ එක්සත් අරාබි එමීර් රාජ්‍ය අතර 3 වැනි 20-20 තරගය ඊයේ පැවැත්වුණේ සාජා හිදි. පළමුවෙන් පන්දුවට පහරදුන් බංග්ලාදේශය පන්දුවාර 20 ඇතුළත කඩුලු 9 ක් දැවි ලකුණු 162 ක් රැස්කළා. ජේකර් අලී ලකුණු 41 ක් ලබාගත් අතර, ටන්සිඩ් හසන් ලකුණු 40 යි. පන්දු යැවීමේදි හෙයිඩර් අලී ලකුණු 7 කට කඩුලු 3 යි.
පිළිතුරු ලෙස එක්සත් අරාබි එමීර් රාජ්‍ය තරගය ජයගත්තේ පන්දුවාර 19 යි පන්දුවකදි කඩුලු 3 ක් දැවි ලකුණු 166 ක් රැස් කරමින්. අලිෂාන් ෂරාෆු නොදැවි ලකුණු 68 යි. අසීස් ඛාන් නොදැවී ලකුණු 41 ක් රැස්කළා. තරගයෙන් එක්සත් අරාබි එමීර් රාජ්‍ය ජයගත්තේ කඩුලු 7කින්.
ප්‍රධානම පෙලේ රටකට එරෙහිව එක්සත් අරාබි එමීර් රාජ්‍යය ඕනෑම ආකෘතියක ක්‍රිකට් තරගාවලියක් ජයගත් පළමු අවස්ථාව මෙය ලෙසයි ඉතිහාසයට එක්වුණේ.
ඊට පෙර 2021 වසරේදි ඔවුන් අයර්ලන්තය පරාජය කරමින් 20-20 ක්‍රිකට් තරගාවලියක් ජයගෙන තිබුණා.
