ඉන්දියා ප්රිමියර්ලීග් ක්රිකට් තරගාවලියේ චෙන්නායි සුපර්කිංග්ස් කණ්ඩායම සමග ඊයේ පැවති තරගය ලකුණු 10 කින් ජය ගැනීමට සන්රයිසස් හයිද්රාබාද් කණ්ඩායම සමත් වුණා. තරගය පැවැත්වුණේ හයිද්රාබාද්හිදී.
පළමුවෙන් පන්දුවට පහර දුන් සන්රයිසස් හයිද්රාබාද් කණ්ඩායම පන්දුවාර 20 ඇතුළත කඩුලු 9 ක් දැවී ලකුණු 194 ක් රැස් කළා. හෙන්රිච් ක්ලාසන් සහ අභිෂේක් ෂර්මා ලකුණු 59 බැගින් ලබා ගත්තා. පන්දු යැවීමේදී අන්ශූල් කම්බෝජ් ලකුණු 22 කට කඩුලු 3 යි. ජෙමී ඔවර්ටන් ලකුණු 37 කට කඩුලු 3 ක් බිඳහෙලුවා. පිළිතුරු ලෙස චෙන්නායි සුපර්කිංග්ස් කණ්ඩායමට පන්දුවාර 20 ඇතුළත කඩුලු 8 ක් දැවී රැස් කිරීමට හැකිවූ ලකුණු සංඛ්යාව 148 ක්. මැතිව් ශෝට් ලකුණු 34 යි. පන්දු යැවීමේදී ඉෂාන් මාලිංග ලකුණු 29 කට කඩුලු 3 ක් දවා ගත්තා. තරගයේ වීරයා සම්මනය හිමි වුණේ එෂාන් මාලිංගට.
මේ අතර, තරගාවලිය යටතේ ඊයේ පැවති තවත් තරගයකින් රෝයල් චැලෙන්ජර්ස් බෙංගලූරු කණ්ඩායම කඩුලු 6 කින් පරාජය කිරීමට දිල්ලි කැපිටල්ස් කණ්ඩායම සමත් වුණා. බෙංගලූරුහි පැවති තරගයේ පළමුවෙන් පන්දුවට පහර දුන් රෝහල් චැලෙන්ජර්ස් බෙංගලූරු කණ්ඩායම පන්දුවාර 20 ඇතුළත කඩුලු 8 ක් දැවී ලකුණු 175 ක් රැස් කළා. පිල් සෝල්ට් ලකුණු 63 යි.
පිළිතුරු ලෙස දිල්ලි කැපිටල්ස් කණ්ඩායම තරගය ජය ගත්තේ පන්දුවාර 19 යි පන්දු 5 කදී කඩුලු 4 ක් දැවී ලකුණු 179 ක් රැස් කරමින්. ට්රිස්ටන් ස්ටබ්ස් ලකුණු 60 ක් ලබාගත් අතර, කේ.එල්.රාහුල් ලකුණු 57 යි.
