ශ්‍රී ලංකා කාන්තා කණ්ඩායමත් බංගලාදේශ කාන්තා කණ්ඩායමත් අතර තරග 3කින් සමන්විත එක්දින තරගාවලියේ පළමු තරඟය අද රාජ්ශාහි හීදී පැවැත්වුණා.එම තරඟය කඩුලු තුනකින් ජය ගැනීමට බංගලාදේශ කාන්තා කණ්ඩායම සමත් වුණා.
ප්‍රථමයෙන් පන්දුවට පහර දුන් ශ්‍රී ලංකා කාන්තා කණ්ඩායම කඩුලු නමයක් දැවී ලකුණු දෙසීය පහක් ලබා ගත්තා.
ශ්‍රී ලංකා කණ්ඩායම වෙනුවෙන් ඉමේෂා දුල්හානි ලකුණු පනස් දෙකක් හා හංසිමා කරුණාරත්න ලකුණු පනස් හතරක් ලබා ගත්තා.
බංගලාදේශය වෙනුවෙන් රිතූ මොනි කඩුලු තුනක් දවා ගත් අතර නහීඩා අක්තර් කඩුලු දෙකක් දවා ගත්තා.
බංගල දේශ කණ්ඩායම කඩුලු හතක් පමණක් දැවී පන්දු වාර හතලිස් අටයි පන්දු තුනකදී ලකුණු දෙසිය හයක් ලබාගෙන තරඟය ජයග්‍රහණය කලා.
බංගලාදේශය වෙනුවෙන් ශර්මින් අක්තර් ලකුණු 86ක් හා ෂොබානා මොස්තරි ලකුණු 41ක් ලබා ගත්තා.
පන්දු යැවීමේදී දෙව්මි විහංගා කඩුලු තුනක් දවා ගත් අතර මල්කි මදාරා කඩුලු දෙකක් දවා ගත්තා.
පළමු එක්දින තරග‍යෙන් ශ්‍රී ලංකා කාන්තා කණ්ඩායමට කඩුලු 3ක පරාජයක්
