ඔස්ට්‍රේලියා කාන්තා ක්‍රිකට් නායක ඇලීසා හේලි ජාත්‍යන්තර ක්‍රිකට් පිටියෙන් සමු ගැනීමට තීරණය කර තිබෙනවා.
අයි.සී.සී නිල වෙබ් අඩවියේ දැක්වෙන්නේ ඉන්දියාව සමග පැවැත්වෙන තරගාවලියෙන් අනතුරුව හේලි සිය 16 වසරක ජාත්‍යන්තර ක්‍රිකට් දිවියට සමු දීමට නියමිත බවයි.
35 හැවිරිදි ඇලීසා හේලි ඔස්ට්‍රේලියාව වෙනුවෙන් එක්දින තරග 123ක් ක්‍රීඩා කර ලකුණු 3563ක් රැස් කර තිබෙනවා.
ඊට ශතක 7ක් සහ අර්ධ ශතක 18ක් ඇතුළත්.
ඇය පන්දුවාර 20යි 20 ක්‍රිකට් තරග 162ක් ක්‍රීඩා කරමින් ලකුණු 3054ක් රැස් කර තිබෙන්නේ ශතකයක් සහ අර්ධ ශතක 17ක් සමගින්.
ඇය ටෙස්ට් ක්‍රිකට් තරග 10කදී ඔස්ට්‍රේලියාව නියෝජනය කර තිබෙනවා.
