ශ්‍රී ලංකා පාකිස්ථාන 20-20 ක්‍රිකට් තරගාවලියේ අවසන් තරග අද දඹුල්ල අන්තර් ජාතික ක්‍රිකට් ක්‍රිඩාංගණයේදි පැවැත්වෙනවා.
තරගාවලියේ පරාජයෙන් බේරීමට නම් ශ්‍රී ලංකාවට අද තරගය අනිවාර්යෙන් ජයග්‍රහණය කළ යුතු වනවා. තරගය රාත්‍රි 7ට ආරම්භ වීමට නියමිතයි.
මෙම තරගාවලියේ පළමු තරගය කඩුලු 6කින් ජය ගැනීමට පකිස්ථානය සමත්වුණා.
දෙවැනි තරගය වර්ෂාව හේතුවෙන් අතහැර දැමුණා.
ශ්‍රී ලංකා ක්‍රිකට් ආයතනය නිවේදනය කළේ, එම තරගයට ප්‍රවේශ පත්‍ර මිලදි ගත් ක්‍රිඩා ලෝලීන්ට අද තරගය සඳහා නොමි‍ලයේ ප්‍රවේශ පත්‍ර ලබා ගත හැකි බවයි.
අද පස්වරු 5 දක්වා දඹුල්ල ක්‍රිඩාංගණයේ ප්‍රවේශ පත්‍ර කවු‍ළුවෙන් අදාල ප්‍රවේශ පත්‍ර ලබා ගැනීමේ හැකියාව පවතිනවා.
