ඉන්දීය යොවුන් ක්‍රිකට් පිටියේ පෙරළිකාර පිතිකරු 14 හැවිරිදි විභව් සූර්යවංශි, ඉන්දියාවේ දරුවන් වෙනුවෙන් පිරිනමන ඉහළම සිවිල් ගෞරවය වන Pradhan Mantri Rashtriya Bal Puraskar සම්මානයෙන් පිදුම් ලබා තිබෙනවා.
නවදිල්ලියේ රාෂ්ට්‍රපති භවන්හිදී පැවති උත්සවයකදී ඉන්දීය ජනාධිපතිනි ද්‍රෞපදි මුර්මු අතින් ඔහු මෙම සම්මානය ලබා ගත්තා.
ක්‍රීඩා, නව නිපැයුම්, සමාජ සේවා සහ සංස්කෘතික ආදී ක්ෂේත්‍රවල සුවිශේෂී දක්ෂතා දක්වන වයස අවුරුදු 5ත් 18ත් අතර දරුවන් වෙනුවෙන් මෙම සම්මානය පිරිනමනු ලබන අතර, මෙවර එම සම්මානයෙන් දක්ෂයින් 20 දෙනෙකු පිදුම් ලැබුවා.
විභව් සූර්යවංශි ගේ මීළඟ ඉලක්කය වන්නේ ජනවාරි 15 වැනිදා ආරම්භ වීමට නියමිත 19න් පහළ ලෝක කුසලාන තරගාවලියයි.
ඔහු එහිදී ඉන්දීය 19න් පහළ කණ්ඩායම නියෝජනය කරමින් පිටියට පිවිසීමට නියමිතයි.
