සංචාරක ඕස්ට්‍රේලියානු වයස අවුරුදු දහනමයෙන් පහළ කාන්තා කණ්ඩායමට එරෙහිව පැවැත්වෙන විස්සයි විස්ස තරගාවලියේ තුන්වැනි තරගයද ජය ගැනීමට ශ්‍රී ලංකාව සමත් වුණා. ඒ කඩුලු 6 කින්.
දඹුල්ල ජාත්‍යන්තර ක්‍රිකට් පිටියේ දී පැවති මෙම තරඟයේ පළමුව පන්දුවට පහර දුන් ඔස්ට්‍රේලියාවට පන්දුවාර 16 තුළ කඩුලු 6ක් දැවී රැස්කිරීමට හැකිවෙන්නේ ලකුණු 100ක් පමණයි.
ඉනීමේ වැඩිම ලකුණු ලාභීනිය වූ එමිලි පවෙල් ලකුණු 32 යි.
පන්දු යැවීමේදී ශ්‍රී ලංකාව වෙනුවෙන් අසේනි තලාගුනේ සහ ලිමංසා තිලකරත්න කඩුලු 2 බැගින් දවා ගත්තා.
පිලිතුරු ලෙස ශ්‍රී ලංකා ක්‍රීඩිකාවන් පන්දුවාර 15 එක් පන්දුවකදී කඩුලු 4ක් දැවී තරගය ජය ගත්තා.
සංජනා කාවින්දි ලකුණු 36ක් සහ විමෝක්ෂා බාලසූරිය ලකුණු 25ක් රැස් කලා.
