බංග්ලාදේශය සමග පැවති පළමු විස්සයි විස්සක් ක්‍රිකට් තරගය කඩුලු හතකින් ජයගැනීමට ශ්‍රී ලංකාව සමත් වුනා.
පල්ලෙකැලේ අන්තර්ජාතික ක්‍රිකට් ක්‍රීඩාංගනයේ පැවති මෙම තරඟය නරඹීමට 25000කට අධික ප්‍රේක්ෂක පිරිසක් පැමිණ සිටියා.
තරඟයේ කාසිය වාසිය දිනූ ශ්‍රී ලංකාව පළමුව පන්දුවට පහර දීමේ අවස්ථාව බංග්ලාදේශයට ලබා දුන්නා.
බංග්ලාදේශ කණ්ඩායම පන්දුවාර 20 ඇතුලත කඩුලු පහක් දැවී ලකුණු 154 ක් රැස්කළා.
පර්වේස් හොසේන් ලකුණු 38 යි.
තරඟය ජයගැනීම සඳහා ලකුණු 155 ක ඉලක්කයක් සමඟ ශ්‍රී ලංකා ඉනිම් ආරම්භ කළේ පැතුම් නිස්සංක සහ කුසල් මෙන්ඩිස්.
ඔවුන් දෙදෙනා කණ්ඩායමට සාර්ථක ආරම්භයක් ලබාදුන්නා.
ශ්‍රී ලංකා කණ්ඩායමේ ආරම්භක කඩුලේ සබඳතාව ලකුණු 78 ක්.
පැතුම් නිස්සංක පන්දු 16 කදී ලකුණු 42 ක් රැස් කලේ 4 පහර 5 ක් සහ 6 පහර 3 ක් සමග.
කුසල් මෙන්ඩිස් තම හත්වැනි 20/20 අර්ධ ශතකය ලකුණු 73 රැස් කලා.
පන්දු 51 කදී ගොඩනැගුණු කුසල්ගේ ඉනිමට 4 පහර 5 ක් සහ 6 පහර 3 ක් ඇතුලත්.
කුසල් ජනිත් පෙරේරා ලකුණු 24 යි.
නායක චරිත අසලංක එල්ල කළ දැවැන්ත හයේ පහරකින් ශ්‍රී ලංකා කණ්ඩායම තරගයේ ජය වාර්තා කළා.
ශ්‍රී ලංකාව තරගය ජය ගත්තේ පපන්දුවාර 19 කදී කඩුලු 3 දැවී ලකුණු 159 ක් රැස් කරමින්.
තරගය වීරයා කුසල් මෙන්ඩිස්.
