ශූරයන්ගේ කුසලානයේ එංගලන්තය හා ඕස්ට්‍රේලියාව අතර පැවති තරගයෙන් ලකුණු 352ක් හඹාගොස් කඩුලු පහක වාර්තාගත ජයක් ලබාගැනීමට ඕස්ට්‍රේලියානු කණ්ඩායම සමත් වුණා. තරගය පැවතියේ ලාහෝරයේ ගඩාෆි ක්‍රීඩාංගණයේදී ය.
කාසියේ වාසිය දිනූ ඕස්ට්‍රේලියානු කණ්ඩායම මුලින්ම පන්දුරැකීමට තීරණය කළා. ඒ අනුව එංගලන්තය කඩුලු 8ක් දැවී ලකුණු 351ක් ලබාගත්තා.
විශිෂ්ට ඉනිමක් දියත් කළ බෙන් ඩකට් ලකුණු 165ක් ලබාගත්තා. ජෝ රූට් ලකුණු 68යි. පන්දු යැවීමේදී බෙන් ඩ්වාෂීශ් කඩුලු 3ක් හා ඇඩම් සැම්පා, මානස් ලැබුෂේන් කඩුලු 2 බැගින් දවාගත්තා.
පිලිතුරු ඉනිම ක්‍රීඩා කළ ඕස්ට්‍රේලියානු කණ්ඩායමේ ප්‍රථම කඩුලු 2 ලකුණු 27ට දවාගැනීමට එංගලන්ත පන්දුයවන්නන් සමත් වුණා. කෙසේ වෙතත් ජොෂ් ඉන්ග්ලිස්(120*) , මැතිව් ෂෝට්(63) හා ඇලෙක්ස් කෙරී(69) ගේ විශිෂ්ට පිතිකරණයන් ඕස්ට්‍රේලියාවට වාර්තාගත ජයක් රැගෙන ඒමට සමත් වුණා.
මෙම ජයග්‍රහණය ජාත්‍යන්තර ක්‍රිකට් කවුන්සිලය සංවිධානය කරන තරගාවලියක ඉහළම හඹායෑම බවට වාර්තා වුණා. තරගයේ වීරයා ජොෂ් ඉන්ග්ලිස්.
තරගාවලියේ හෙට(23) තරගය ඓතිහාසික පසමිතුරන් වූ ඉන්දියාව හා පකිස්තානය අතරයි.
