සිම්බාබ්වේ කණ්ඩායම හා බංග්ලාදේශය අතර තරග 3 කින් සමන්විත එක්දින තරගාවලිය අද අවසන් වුණා ඒ සිම්බාබ්වේ කණ්ඩායම තරග 2-1ක් ලෙස ජයගනිමින්. කෙසේ වෙතත් අද පැවති අවසන් එක්දින තරගය ජයගත්තේ බංග්ලාදේශ කණ්ඩායමයි.
අවසන් තරගයේ කාසියේ වාසිය දිනූ බංග්ලාදේශ නායක මෙහෙදි හසන් මිරාස් පලමුවෙන් පන්දුවට පහරදීමේ අවස්ථාව සිම්බාබ්වේ කණ්ඩායමට ලබාදුන්නා. ඒ අනුව පලමුවෙන් පන්දුවට පහර දුන් සිම්බාබ්වේ කණ්ඩායමට ලබාගැනීමට වුණේ සියලු කඩුලු දැවී ලකුණු 199ක් පමණයි.
සිම්බාබ්වේ කණ්ඩායම වෙනුවෙන් වෙස්ලි මැඩිවෙර ලකුණු 75ක් ලබාගත් අතර බ්රැඩ් එවන්ස් ලකුණු 50ක් ලබාගත්තා. පන්දු යැවීමේදී ශොරිෆුල් ඉස්ලාම් කඩුලු 4ක් දවාගත් අතර ටස්කින් අහමඩ් හා ටන්වීර් ඉස්ලාම් කඩුල් 2 බැගින් දවාගත්තා.
පිලිතුරු ඉනිම ක්රීඩා කළ බංග්ලාදේශ කණ්ඩායම පන්දුවාර 36ක් අවසානයේ ලකුණු 200ක් ලබාගත් අතර ඒ සඳහා ඔවුන්ට වැය වුණේ කඩුලු 3ක් පමණයි.
ටන්සිඩ් හසාන් ලකුණු 94ක් හා සෞම්ය සර්කාර් ලකුණු 69ක් ලබාගත් අතර ආරම්භක කඩුල්ලට ඔවුන් දෙදෙනා ගොඩනැගූ සබඳතාවය ලකුණු151ක්. පන්දු යැවීමේදී අර්නස්ට් මසුකු සිම්බාබ්වේ කණ්ඩායම් වෙනුවෙන් කඩුලු 2ක් දවාගත්තා.
ඒ අනුව අවසන් තරගය බංග්ලාදේශය කඩුලු 7කින් ජයගත් අතර එක්දින තරගාවලියේ ජයග්රහණය තරග 2-1ක් ලෙස ලබාගැනීමට සමත් වුණේ සිම්බාබ්වේ කණ්ඩායමයි.
අවසන් තරගයේ වීරයා ලෙස ටන්සිඩ් හසන් නම්වූ අතර තරගාවලියේ වීරයා ලෙස බ්රැඩ් එවන්ස් නම් කෙරුණා.
