අයි ලීග් පාපන්දු තරගාවලියේ අවසන් තරගය සෝන්ඩර්ස් සහ රිනවුන් කණ්ඩායම් අතර පැවැත්වීමට නියමිතයි.
තරගාවලිය සංවිධාන කරන්නේ ශ්රී ලංකා පාපන්දු සම්මේලනය විසින්.
තරගාවලියට දිවයිනේ ප්රධානතම පාපන්දු කණ්ඩායම් 8 ක් එක්ව සිටියා. සියලු තරග පැවැත්වුණේ කොළඹ සුගතදාස ක්රීඩාංගණයේදි.
තරගාවලියේ දෙවැනි අවසන් පූර්ව තරගය පැවැත්වුණේ රිනවුන් සහ මාලිගාවත්ත යූත් කණ්ඩායම් අතර. එම තරගයෙන් ගෝල 1 ට 0 ක් ලෙස ජය වාර්තා කළ රිනවුන් කණ්ඩායම තරගාවලියේ අවසන් තරගයට සුදුසුකම් ලැබුවා.
තරගාවලිය පළමු අවසන් පූර්ව තරගයෙන් ජයග්රහණය ලබා සෝන්ඩර්ස් කණ්ඩායම මීට පෙර අවසන්තරගය සඳහා සුදුසුකම් ලබා තිබුණා.
ඒ අනුව රිනවුන් සහ සෝන්ඩර්ස් කණ්ඩායම් අතර අවසන් මහා තරගය හෙට පස්වරුවේ සුගතදාස ක්රීඩාංගණයේදි පැවැත්වීමට නියමිතයි.
