යුරෝ ෆෝමියුලා විවෘත මෝටර් රථ තරගාවලියේ, සමස්ත ධාවකයින් අතර දෙවැනි ස්ථානයට පත් වීමට ශ්‍රී ලංකාවේ යෙවාන් ඩේවිඩ් සමත්ව තිබෙනවා.
ඒ, තරගාවලියේ අදියර 4 ක් අවසන් වන විටයි.
යුරෝ ෆෝමියුලා විවෘත තරගාවලියේ සිව්වැනි අදියර පැවැත්වුණේ, හංගේරියාවේදී.
එහි පළමු තරගයේ අට වැන්නා ලෙස තරගය අවසන් කළ යෙවාන් ඩේවිඩ් දෙවැනි තරගය නිමා කළේ, තුන්වැනි ස්ථානයට පත්වෙමින්.
එහි පළමු ස්ථානය, දකුණු කොරියාවේ මයිකල් ෂිම් හිමි කර ගත්තා.
අනතුරුව, තුන්වැනි තරගයේදී සිව්වැන්නා ලෙස තරගය අවසන් කළ යෙවාන් ඩේවිඩ්ට මේ වන විට සමස්ත තරගයේ දෙවැනි ස්ථානය හිමිව තිබෙනවා.
ඔහුට හිමි ලකුණු සංඛ්‍යාව 194 යි. ධාවකයින් අතර පෙරමුණේ පසු වන්නේ, දකුණු කොරියාවේ මයිකල් ෂින්.
ඒ ලකුණු 198 ක් හිමි කර ගනිමින්. යුරෝ ෆෝමියුලා තරගාවලියේ පස්වැනි අදියර ප්‍රංශයේදී පැවැත්වීමට නියමිතයි.
