ආසියානු කුසලාන දැල්පන්දු තරගාවලියේ ශුරතාව හිමිකර ගැනීමට සිංගප්පූරුව සමත් වුණා.
ඒ අවසන් තරගයේදී ශ්‍රී ලංකාව ලකුණු තුනකින් පරාජය කරමින්. තරගය ආරම්භයේ සිටම දෙපිලම දියුණු තරග රටාවක නිරත වුණා.
පළමු කාර්තුව අවසන් වුණේ ලකුණු 17 -12 ලෙස සිංගප්පූරුව ඉදිරියෙන් සිටිමින්. දෙවන අර්ධය අවසන් වන විට ලකුණු 28 -27 ලෙස ලකුණු තත්ත්වය දැක්වුණා. එහිදී ද පෙරමුණ ගත්තේ සිංගප්පූරුවයි.
තුන්වෙනි කාර්තුව අවසන් වන විට ලකුණු 42 – 39 ක් ලෙස ශ්‍රී ලංකාව ඉදිරියෙන් සිටියා.
නියමිත කාලය අවසන් වුණේ ලකුණු 52-52 ලෙස දෙපිලම සම තත්වයේ සිටිමින්.
අනතුරුව තරගයේ ජය පරාජය තීරණය කිරීමට අතිරේක කාලයක් ලබා දුන්නා.
එහි පළමු වටය අවසන් වන විටද දෙපිලම ලකුණු 59 බැගින් රැස්කර සම තත්ත්වය පසුවනවා. කේසේවෙතත් තරගය අවසන් වන විට ලකුණු තත්ත්වය දැක්වූනේ 67-64 ක් ලෙසයි.
ඒ අනුව අවසන් තරගය ජයගත් සිංගප්පූරුව තරගාවලියේ ශූරතාව හිමි කරගත්තා.
ඔවුන් මෙම ශූරතාව දිනාගත් සිව් වැනි අවස්ථාව මෙයයි. සිංගප්පූරුව ආසියානු දැල්පන්දු කිරුළ හිමි කරගත්තේ 2014 වසරින් පසුවයි. ශ්‍රී ලංකාව මෙහි අනුශූරතාවය දිනා ගත් සිව් වැනි අවස්ථාව මෙයයි.
