චෙන්නයි සුපර් කිංග්ස් හා දිල්ලි කැපිටල්ස් කණ්ඩායම් අතර ඊයේ දිවා කාලයේදී පැවති තරගයෙන් ලකුණු 25ක ජයක් ලැබීමට දිල්ලි කැපිටල්ස් සමත්වුණා.
කාසියේ වාසිය දිනා මුලින් පන්දුවට පහරදුන් දිල්ලි කැපිටල්ස් කණ්ඩායම කඩුලු 6ට ලකුණු 183ක් ලබාගත්තා.
දිල්ලි කණ්ඩායම වෙනුවෙන් ක්‍රීඩා කරමින්, රැස් කළ සිය පළමු අර්ධ ශතකය සමග කේ එල් රාහුල් ලකුණු 77ක් ලබාගත්තා. අභිෂේක් පොරෙල් ලකුණු 33යි.
පන්දු යැවීමේදි කලීල් අහමඩ් කඩුලු 2ක් ලබාගත් අතර මතීෂ පතිරණ, නූර් අහමඩ් හා රවීන්ද්‍ර ජඩේජා එක් කඩුල්ල බැගින් දවාගත්තා.
පිලිතුරු ඉනිම වෙනුවෙන් චෙන්නයි සුපර් කිංග්ස් කණ්ඩායමට ලබාගත හැකිවූයේ කඩුලු 5ට ලකුණු 158ක් පමණයි.
විජේ ශංකර් නොදැවී ලකුණු 69යි. එම් එස් දෝනි නොදැවී ලකුණු 30යි.
පන්දු යැවීමේදී විප්‍රාජ් නිගම් කඩුලු 2ක් හා මිචෙල් ස්ටාර්ක්, මුකේෂ් කුමාර්, කුල්දීප් යාදව් එක කඩුල්ල බැගින් දවාගත්තා.
ඒ අනුව දිල්ලි කැපිටල්ස් කණ්ඩායම ලකුණු 25ක ජයග්‍රහණයක් ලබාගත්තා.
