ශ්‍රී ලංකාව සහ ඔස්ට්‍රේලියාව අතර මාස්ටර්ස් ලීග් 20 – 20 ක්‍රිකට් තරගාවලියේ ඊයේ පැවති තරගයෙන් කඩුලු 3 ක ජයක් හිමි කර ගැනීමට ශ්‍රී ලංකා කණ්ඩායම සමත්වුණා.
තරගය පැවැත්වුණේ, ඉන්දියාවේ වදෝදරාහි දී. තරගයේ කාසියේ වාසිය හිමිකරගත් ශ්‍රී ලංකා මාස්ටර්ස් කණ්ඩායම පළමුවෙන් පන්දුවට පහරදීමට ඔස්ට්‍රේලියා කණ්ඩායමට ආරාධනා කළා.
ඒ අනුව ඔවුන් පන්දුවාර 20 ඇතුළත කඩුලු 4 ක් දැවි ලකුණු 217 ක් රැස් කළා. ෂෝන් මාෂ් ලකුණු 77 යි. බෙන් ඩන්ක් ලබා ගත් ලකුණු සංඛ්‍යාව 56 ක්.
පසුව පිළිතුරු ඉනිම ආරම්භ කළ ශ්‍රී ලංකා මාස්ටර්ස් කණ්ඩායම, පන්දුවාර 19 යි පන්දු දෙකකදි ලකුණු 222 ක් රැස් කරමින් තරගයේ ජය හිමි කර ගත්තා.
විශිෂ්ට පිති හරඹයක නිරත වූ උපුල් තරංග පන්දු 54 කදී ලකුණු 102 ක් රැස් කළ අතර, ලහිරු තිරිමාන්න ලකුණු 53 ක් ලබා ගත්තා. ශ්‍රී ලංකා මාස්ටර්ස් කණ්ඩායමට තරගයෙන් කඩුලු 3 ක ජයක් හිමි වුණා.
