ශූරයන්ගේ කුසලානය අද පාකිස්තානයේ කරච්චි නුවරදී ඇරඹුණා. පළමු තරගය් පැවතුනේ නවසීලන්තය හා සත්කාරක පාකිස්තානය අතරයි.
කාසියේ වාසිය දිනූ පාකිස්තානු කණ්ඩායම මුලින්ම පන්දු යැවීමට තීරනය කළා. ඒ අනුව පන්දුවට පහරදුන් නවසීලන්ත කණ්ඩායම නියමිත පන්දුවාර 50 අවසානයේදී කඩුලු 5ක් දැවී ලකුණු 320ක් ලබාගත්තා.
කැපී පෙනෙන ඉනිම් දෙකක් ක්රීඩාකල විල් යන්ග් (107) හා ටොම් ලේතම් (118*) ශතක දෙකක් රැස් කළා. වේගවත් ඉනිමක් දියත් කරමින් ග්ලේන් ෆිලිප්ස් පන්දු 39ට ලකුණු 61ක් ලබාගත්තා.
පන්දු යැවීමේදී නසීම් ෂා හා හාරිස් රාවුෆ් කඩුලු 2 බැගින් දවාගත්තා.
පිළිතුරු ඉනිම ක්රීඩා කළ පාකිස්තානු කණ්ඩායමට සියලු දෙනා දැවී ලබාගත හැකිවූයේ ලකුණු 260ක් පමණයි. පාකිස්තානු ඉනිම වෙනුවෙන් බාබර් අසාම් ලකුණු 64ක් හා කුෂ්දිල් ෂා ලකුණු 69ක් ලබාගත්තා.
පන්දු යැවීමේදී වි ඕ’රූක් හා මිචෙල් සැන්ට්නර් කඩුලු 3 බැගින් දවාගත්තා.
ඒ අනුව ශූරයන්ගේ කුසලානයේ පළමු තරගය සත්කාරක කණ්ඩායමට එරෙහිව ලකුණු 60කින් ජයගැනීමට නවසීලන්තය සමත් වුණා.
තරගයේ වීරයා ටොම් ලේතම්.
