වයස අවුරුදු 19 න් පහළ ලෝක කුසලාන එක් දින ක්‍රිකට් තරගාවලියේ ඊයේ පැවති තරගවලින් එංගලන්තය, ඔස්ට්‍රේලියාව සහ ඇෆ්ගනිස්ථානය ජය හිමි කර ගත්තා.
තරගාවලිය පැවැත්වෙන්නේ සිම්බාබ්වේ හා නැමීබියා හිදී. එංගලන්ත සහ පාකිස්ථාන කණ්ඩායම් අතර තරගය සිම්බාබ්වේ හරාරේ හිදී පැවැත්වුණා.
පළමුවෙන් පන්දුවට පහර දුන් එංගලන්තය පන්දුවාර 46 පන්දු 5 කදී සියලු ක්‍රීඩකයින් දැවී ලකුණු 210 ක් රැස් කළා.පිළිතුරු ලෙස පාකිස්ථානයට පන්දුවාර 46 පන්දු 3 කදී සියලු ක්‍රිඩකයින් දැවී රැස් කිරීමට හැකි වූයේ ලකුණු 173 ක් පමණයි. තරගයෙන් එංගලන්තය ජය ගත්තේ ලකුණු 37 කින්.
අයර්ලන්තය සහ ඔස්ට්‍රේලියාව අතර තරගය පැවැත්වුණේ, නැමීබියා හිදී. මුලින් පන්දුවට පහර දුන් අයර්ලන්තය පන්දුවාර 50 තුළ කඩුලු 7 කට ලකුණු 235 ක් රැස් කළා. රොබ් ඕබ්‍රයන් ලකුණු 79 යි. පිළිතුරු ලෙස ඔස්ට්‍රේලියාව තරගය ජය ගත්තේ, පන්දුවාර 39 යි පන්දු 4 කදී කඩුලු 2 ක් දැවී ලකුණු 237 ක් රැස් කරමින්. ස්ටීවන් හෝගන් ලකුණු 115 යි.
ඇෆ්ගනිස්ථානය සහ දකුණු අප්‍රිකාව අතර තරගය නැමීබියාහිදී පැවැත්වුණා. පළමුවෙන් පන්දුවට පහර දුන් ඇෆ්ගනිස්ථානය පන්දුවාර 50 ඇතුළත කඩුලු 8 ක් දැවී ලකුණු 266 ක් රැස් කළා. ෆයිසාල් ෂිනෝසාඩා ලකුණු 81 ක් ලබාගත් අතර, කලීඩ් අහමඩ්සායි ලකුණු 74 යි. පිළිතුරු දෙස දකුණු අප්‍රිකාවට පන්දුවාර 47 යි පන්දු 4 කදී සියලු දෙනා දැවී රැස් කිරීමට හැකිවූ ලකුණු සංඛ්‍යාව 238 ක්. තරගයෙන් ඇෆ්ගනිස්ථානය ජය ගත්තේ ලකුණු 28 කින්.
