සංචාරක ශ්‍රී ලංකා කණ්ඩායම හා සිම්බාබ්වේ කණ්ඩායම අතර එක්දින තරගාවලියේ පළමු තරගය හරාරේ හීදී අද ආරම්භ වුණා.
පළමුවෙන් පන්දුවට පහරදුන් ශ්‍රී ලංකා කණ්ඩායම කඩුලු 6ට ලකුණු 298ක් ලබාගත්තා.
දෙවන කඩුල්ලට ලකුණු 100ක සබඳතාවයක් ගොඩනගමින් පැතුම් නිශ්ශංක ලකුණු 76ක් හා කුසල් මෙන්ඩිස් ලකුණු 38ක් ලබාගත්තා.
ඉන්පසු ප්‍රවේගකාරී ඉනිම් දෙකක් ක්‍රියාත්මක කළ ජනිත් ලියනගේ පන්දු 47ට නොදැවී ලකුණු 70ක් හා කමිඳු මෙන්ඩිස් පන්දු 36ට ලකුණු 57ක් ලබාගනිමින් හයවන කඩුල්ලට ලකුණු 137ක සබඳතාවයක් ගොඩනැගුවා.
පන්දු යැවීමේදී සිම්බාබ්වේ කණ්ඩායම වෙනුවෙන් රිචර්ඩ් න්ගරාවා කඩුලු 2ක් බිඳහෙලුවා.
පිළිතුරු ඉනිම වෙනුවෙන් සිම්බාබ්වේ කණ්ඩායමට ලකුණු 299ක ඉලක්කයක් හිමිව තිබෙනවා.
