අන්තර්ජාල ක්‍රීඩා තහනම ක්‍රියාත්මක කිරීමත් සමඟ ක්‍රිකට් ක්‍රීඩාවට ඇති කරන මූල්‍යමය බලපෑම පිළිබඳව සොයා බලා ඉන්දීය විශේෂඥයන් පිරිසක් වාර්තාවක් සකසා ඇති අතර, එහිදී ඉන්දියාවේ තරු ක්‍රීඩකයන්ට විශාල බලපෑමක් එල්ලවී තිබෙන බව අනාවරණය වේ.
මෙතෙක් ‘ඔන් ලයින් ගේම්’ ප්‍රවර්ධනය කිරීමට ජනප්‍රිය ඉන්දීය ක්‍රීඩකයන් පෙළ ගැසී සිටි අතර, ඉන්දීය රජය විසින් මෑතකදී අන්තර්ජාල ක්‍රීඩා පනත් කෙටුම්පත හරහා එම ක්‍රීඩා තහනම් කිරීමත් සමඟ මෙලෙස කෝටි ගණන් ආදායම් ඉන්දීය ක්‍රිකට් ක්‍රීඩකයන්ට අහිමි වී ඇත.
රෝහිත් ෂර්මා Dream11 නම්වූ ‘ඔන් ලයින් ගේම්’ ප්‍රවර්ධනයේ ප්‍රමුඛතම ක්‍රීඩකයා වූ අතර, අන්තර්ජාල ක්‍රීඩා පනතට පසුව ඔහුට ඉන්දීය රුපියල් කෝටි 7ක පමණ (ශ්‍රී ලංකා රුපියල් 24ක) වාර්ෂික ආදායමක් අහිමි වී ඇති බව වාර්තා වේ.
විරාත් කෝලි Dream 11 සහ Winzo යන අන්තර්ජාල ක්‍රීඩා ප්‍රවර්ධනයෙන් පිළිවෙළින් රුපියල් කෝටි 6ක් හා 7ක් (ශ්‍රී ලංකා රුපියල් 21ක් හා 24ක්) උපයන බවත්, එම්.එස්. දෝනි වැනි හිටපු ඉන්දීය නායකයන් හා ක්‍රීඩකයන් වාර්ෂිකව රුපියල් කෝටි 1 සිට 4 දක්වා මෙතෙක් ඉපයූ බවත් සඳහන් වේ.
මේ මුදල් සියල්ල ඔවුන්ට ඉන්දීය අන්තර්ජාල ක්‍රීඩා පනත් කෙටුම්පත හරහා අහිමි වී තිබේ.
