2025 අයි පී එල් තරගාවලියේ 6වන තරගය ඊයේ කල්කටා නයිට් රයිඩර්ස් හා රාජස්ථාන් රෝයල්ස් කණ්ඩායම් අතර ගුවාහටි හීදී පැවැත්වුණා.
කාසියේ වාසිය ලබාගත් නයිර් රයිඩර්ස් පලමුව පන්දු යැවීමට තීරණය කළා. තරගයේ පලමු ඉනිම ක්‍රීඩා කළ රෝයල්ස් කණ්ඩායම ලබාගත් ලකුණු සංඛ්‍යාව කඩුලු 9ට ලකුණු 151ක්. දෘව් ජුරෙල් ලකුණු 33යි. යසස්වි ජයිස්වාල් ලකුණු 29යි.
පන්දු යැවීමේදී නයිට් රයිඩර්ස් වෙනුවෙන් වයිභව් අරෝරා, හර්ෂ්ත් රානා, මොයින් අලී සහ වරුන් චක්‍රවර්තී කඩුලු 2 බැගින් ලබාගත්තා.
ලකුණු 152ක් හඹාගිය කල්කටා නයිට් රයිඩර්ස් 18වන පන්දුවාරයේදී කඩුලු 2ක් පමණක් දැවී ලකුණු 153ක් ලබාගනිමින් තරගාවලියේ පළමු ජය වාර්තා කළා.
සුපිරි ඉනිමක් දියත් කරමින් ක්වින්ටන් ඩිකොක් පන්දු 61ට නොදැවී ලකුණු 97ක් ලබාගත්තා. අන්කිෂ් රඝුවන්ශි ලකුණු 22යි.
රාජස්තාන් රෝයල්ස් කණ්ඩායම වෙනුවෙන් ඊයේ තරගයේදී මහීෂ් තීක්ෂණ හා වනිදු හසරංග ක්‍රීඩා කළා. තීක්ෂණ සිය පන්දුවාර 4ට ලකුණු 32යි. වනිඳු හසරංග ලකුණු 34ට 1 කඩුල්ලයි.
