2027 වසරේ පැවැත්වෙන ආසියානු කුසලාන පාපන්දු තරගාවලියට සුදුස්සන් තේරීමේ තරගාවලිය යටතේ, ශ්රී ලංකා සහ තායිලන්තය අතර තරගයේ ජය තායිලන්තය විසින් දිනා ගනු ලැබුවා. තරගය පැවැත්වුණේ, තායිලන්තයේ දී.
“D” කාණ්ඩය යටතේ මෙම තරගය පැවැත්වුණු අතර, එය නැරඹීම සඳහා ක්රීඩාංගණයට 17 ,000ක පමණ ප්රේක්ෂක පිරිසක් පැමිණ සිටියා. තායිලන්ත, ලෝක පාපන්දු ශ්රේණිගත කිරීම් අනුව 97 වැනි ස්ථානයේ පසු වනවා.
ශ්රී ලංකාවට 200 වැනි ස්ථානය හිමියි. ඊයේ තරගය ආරම්භයේ සිටම දෙපිලම දක්ෂ ලෙස ක්රීඩා කළා. කෙසේ වුවද, 43 වැනි මිනිත්තුවේ දි තායිලන්ත ක්රීඩකයින් තරගයේ පළමු ගෝලය ලබා ගත්තා. ඒ අනුව පළමු අර්ධය නිමා වුයේ, ගෝල එකට බිංදුවක් ලෙස තායිලන්තය පෙරමුණ ගනිමින්.
දෙවැනි අර්ධයේ දී දෙපිලම ගෝල ලබා ගැනීමට සමත්වූයේ නැහැ. ඒ අනුව, ගෝල එකට බිංදුවක් ලෙස තරගය ජය ගැනීමට තායිලන්තය සමත්වුණා
