2026 ආසියානු කුසලාන පන්දුවාර 20/20 කාන්තා ක්‍රිකට් තරගාවලිය අද ආරම්භවනවා.
තරගාවලිය පැවැත්වෙන්නේ කණ්ඩායම් 8ක සහභාගීත්වයෙන්.
හොංකොං, ඉන්දියාව, පාකිස්ථානය සහ තායිලන්තය ඒ කාණ්ඩයෙන් තරග කරනවා.
බී කාණ්ඩයේ තරග කරන්නේ ශ්‍රී ලංකාව, බංග්ලාදේශය, ඉන්දුනීසියාව සහ සත්කාරක එක්සත් අරාබි එමිර් කණ්ඩායමයි.
හොංකොං සහ තායිලන්ත කණ්ඩායම් තරගාවලිය ආරම්භ කරමින් පළමු තරගයට එක්වන අතර ඩුබායිහිදි පැවැත්වෙන තරගය මෙරට වෙලාවෙන් අද රාත්‍රී 08.00ට ආරම්භ වීමට නියමිතයි.
ශ්‍රී ලංකාව සහභාගී වන පළමු තරගය හෙට එක්සත් අරාබි එමිර්හිදි පැවැත්වීමට නියමිතයි.
ඩුබායි ජාත්‍යන්තර ක්‍රිකට් ක්‍රීඩාංගනයේ පැවැත්වෙන තරගය හෙට රාත්‍රී 08.00ට ආරම්භ කිරීමට සැලසුම් කර තිබෙනවා.
