මාස්ටර් ලීග් තරගාවලියේ එංගලන්ත කණ්ඩායමට එරෙහිව කඩුලු 9ක විශිෂ්ටජයග්‍රහණයක් ලැබීමට ශ්‍රී ලංකා මාස්ටර්ස් කණ්ඩායම සමත්වුණා.
පලමුවෙන් පන්දුවට පහරදුන් එංගලන්ත මාස්ටර්ස් කණ්ඩායම කඩුලු 5ට ලකුණු 146ක් ලබාගත්තා.
එංගලන්ත කණ්ඩායම වෙනුවෙන් ෆිල් මස්ටර්ඩ් අර්ධ ශතකයක් ලබාගත්තා.
පිලිතුරු ඉනිම ක්‍රීඩා කළ ශ්‍රී ලංකා මාස්ටර්ස් කණ්ඩායම පන්දුවාර 12.5ට කඩුලු එකක් පමණක් දැවී ලකුණු 150ක් ලබාගෙන ජයග්‍රහණය ලබාගත්තා.
සුපිරි ඉනිමක් ක්‍රීඩා කළ කුමාර් සංගක්කාර පන්දු 47ට නොදැවී ලකුණු 106ක් රැස්කළා. එම ඉනිමට හතරේ පහර 19ක් හා එක් හයේ පහරක් ඇතුළත් වුණා.
මේ ශතකය සංගක්කාර වාර්තා කළ පළමු විස්සයි විස්ස ශතකයයි.
