නවසීලන්තය, දකුණු අප්‍රිකාව හා පකිස්තානය අතර පැවැත්වෙන තුන්කොන් එක්දින තරගාවලියේ දෙවන තරගය නවසීලන්තය හා දකුණු අප්‍රිකාව අතර අද ලාහෝර් හී දී පැවැත්වුණා.
කාසියේ වාසිය දිනූ නවසීලන්ත කණ්ඩායම මුලින්ම පන්දු රැකීමට තීරණය කළා.
මුලින්ම පන්දුවට පහරදුන් දකුණු අප්‍රිකා කණ්ඩායම නියමිත පන්දුවාර 50 අවසානයේ කඩුලු 6ක් දැවී ලකුණු 304ක් ලබාගත්තා.
විශිෂ්ට ඉනිමක් දියත් කරමින් ආරම්භක පිතිකරු මැතිව් බ්‍රීට්ස්කෙ ලකුණු 150ක් ලබාගත්තා. වියාන් මූල්ඩර් ලකුණු 60යි.
පන්දු යැවීමේදී නවසීලන්තය වෙනුවෙන් මැට් හෙන්රි හා විල් ඕ’රූක් කඩුලු 2 බැගින් දවාගත්තා.
පිළිතුරු ඉනිම ක්‍රීඩා කළ නවසීලන්ත කණ්ඩායමේ පළමු කඩුල්ල ලකුණු 50ට දැවී ගියා. ඉන් අනතුරුව පිටියට පිවිසි කේන් විලියම්සන් සමගින් ඩෙවෝන් කොන්වේ දෙවන කඩුල්ල වෙනුවෙන් වාර්තාගත ලකුණු 187ක සබඳතාවයක් ගොඩනැගුවා.
ඩෙවෝන් කොන්වේ අවසනාවන්ත ලෙස ලකුණු 97ට දැවී ගිය පසු සුපිරි ඉනිමක් ක්‍රීඩා කළ කේන් විලියම්සන් නොදැවී ලකුණු 133ක් ලබාගනිමින් නවසීලන්ත කණ්ඩායම ජයග්‍රහණය කරා රැගෙන ගියා.
මෙම තරගාවලියේ පළමු තරගය පකිස්තානය හා නවසීලන්තය අතර පැවති අතර එම තරගයෙන්ද ජයගැනීමට නවසීලන්තය සමත් වුණා.
