2025 අයි පී එල් තරගාවලියේ සිව්වන තරගය දිල්ලි කැපිටල්ස් හා ලක්නව් සුපර් ජයන්ට්ස් කණ්ඩායම් අතර විශාකාපට්නම් හීදී පැවැත්වුණා. එහිදී තියුණු තරගයකින් පසුව එක් කඩුල්ලක ජයක් ලැබට දිල්ලි කැපිටල්ස් කණ්ඩායම සමත්වුණා.
කාසියේ වාසිය දිනූ කැපිටල්ස් කණ්ඩායම මුලින්ම පන්දු යැවීමට තීරණය කළා. ඒ අනුව මුලින් පන්දුවට පහරදුන් සුපර් ජයන්ට්ස් කණ්ඩායම කඩුලු 8ක් දැවී ලකුණු 209ක් ලබාගත්තා.
වේගවත් පිතිහරඹයක් දියත් කරෛන් මිචෙල් මාෂ් පන්දු 36ට ලකුණු 72ක් හා නිකලස් පූරන් පන්දු 30ට ලකුණු 75ක් ලබාගත්තා. සුපර් ජයන්ට්ස් කණ්ඩායමේ ප්‍රවේගකාරී පිතිහරඹය අඩාල කරමින් මිචෙල් ස්ටාර්ක් කඩුලු 3ක් ලබාගත්තා.
ලකුණු 210 ක ඉලක්කයක් වෙනුවෙන් ඉනිම ආරම්හ කළ දිල්ලි කැපිටල්ස් කණ්ඩායමේ පළමු කඩුලු 5 ලකුණු 65ක්ව තිබියදී දැවී ගියා.
ලක්නව් සුපර් ජයන්ට්ස් කණ්ඩායම සතුව තිබූ ජයග්‍රහණය උදුරා ගනිමින් නවක ක්‍රීඩක අශුතෝෂ් ශර්මා පන්දු 31ට නොදැවී ලකුණු 66ක් ලබාගත්තා. ට්‍රිස්ටන් ස්ටබ්ස් ලකුණු 34යි. විප්‍රාජ් නිගම් ලකුණු 39යි.
තරගයේ පන්දුවාර 19යි පන්දු 3ක් ව තිබියදී ලකුණු 211ක් ලබාගනිමින් දිල්ලි කැපිටල්ස් කණ්ඩායම ජයග්‍රහණය වාර්තා කළා.
තරගයේ වීරයා අසුතෝෂ් ශර්මා.
