ගල්කිස්ස සාන්ත තෝමස් විද්‍යාලය සහ කොළඹ රාජකීය විද්‍යාලය අතර පැවැති 146 වැනි නිල් මහ සටන මහා ක්‍රිකට් තරගය කඩුලු 05කින් ජය ගැනීමට අද ශාන්ත තෝමස් විද්‍යාලය සමත් වුණා.
මෙම තරගය තෙදිනක් පුරාවට පැවැත්වුණේ කොළඹ SSC ක්‍රීඩාංගණයේදී.
මෙරට පාසල් ක්‍රිකට් ඉතිහාසයේ පැරණිතම මහ ක්‍රිකට් තරගය මෙයයි.
තරගයේ පළමුවෙන් පන්දුවට පහරදුන් කොළඹ රාජකීය විද්‍යාලය කඩුලු 7ක් දැවී ලකුණු 319ක් ලබා සිටියදී සිය පළමු ඉනිම අත්හිටුවීමට තීරණය කළා.
පිළිතුරු ඉනිම ක්‍රීඩා කළ ගල්කිස්ස සාන්ත තෝමස් විද්‍යාලය සිය පළමු ඉනිමට සියලුදෙනා දැවී රැස් කළ ලකුණු 302 ක් රැස් කලා.
ලකුණු 17ක් ඉදිරියෙන් සිටිමින් සිය දෙවන ඉනිම ආරම්භ කලා කොළඹ රාජකීය කණ්ඩායම කඩුලු 8ක් දැවී ලකුණු 215ක් ලබා සිටියදී සිය ඉනිම අත්හිටුවනු ලැබුවේ ගල්කිස්ස සාන්ත තෝමස් විද්‍යාලයට ලකුණු 233ක ජයග්‍රාහී ඉලක්කයක් ලබාදෙමින්.
ලකුණු 233ක ජයග්‍රාහි ඉලක්කයක් හඹාගිය ගල්කිස්ස සාන්ත තෝමස් ක්ක්‍රීඩකයින් කඩුලු 5 දැවී ජයග්‍රාහී සීමාව පසු කලා.
ශාන්ත තෝමස් ක්‍රීඩකයින් නිල් මහා සටන ජය ගත්තේ වසර 5 කට පසුවයි.
