ශූරයින්ගේ කුසලානයේ ඉන්දියාව හා පාකිස්තානය අතර තරගයෙන් කඩුලු 6ක ජයක් ලැබීමට ඉන්දියාව සමත් වුණා. තරගය පැවැත්වුණේ ඩුබායි හීදී.
කාසියේ වාසිය දිනා පාකිස්තානු කණ්ඩායම මුලින්ම පන්දුවට පහර දීමට තීරණය කළා. ඒ අනුව පාකිස්තානට සියලු කඩුලු දැවී ලබාගත හැකිවූයේ ලකුණු 241ක් පමණයි.
පාකිස්තානය වෙනුවෙන් පිතිකරණයේදී යම් හෝ සාර්ථකත්වයක් ලැබුවේ සෞද් ශකීල්(62), මොහොමඩ් රිස්වාන්(46) හා කුෂ්දිල් ෂා(38) පමණයි.
පන්දු යැවීමේදී කුල්දීප් යාදව් කඩුලු 3ක් හා හර්දික් පාණ්ඩියා කඩුලු 2ක් දවාගත්තා.
ලකුණු 242ක් හඹාගිය ඉන්දීය කණ්ඩායමට පන්දුවාර 42.3දී කඩුලු 4ක් පමණක් දැවී තරගය ජයග්‍රහණය කිරීමට හැකිවුණා.
විශිෂ්ට පිතිකරණයක නියැළුණු සුපිරි පිතිකරු විරාත් කෝලි නොදැවී ලකුණු 100ක් ලබාගත්තා. මීට අමතරව ශ්‍රේයස් අයියර් ලකුණු 56ක් හා සුභ්මන් ගිල් ලකුණු ලකුණු 46ක් ලබාගත්තා.
පාකිස්තානය වෙනුවෙන් ශහීන් ෂා අෆ්‍රීඩි කඩුලු 2ක් ලබාගත්තා.
තරගයේ වීරයා විරාත් කෝලි.
