විද්‍යුත් සහ මුද්‍රිත මාධ්‍යයන්හි ක්‍රීඩා ප්‍රධානීන් හා ක්‍රීඩා අමාත්‍ය සුනිල් කුමාර ගමගේ අතර හමුවක් අද (24දා) තරුණ කටයුතු හා ක්‍රීඩා අමාත්‍යාංශයේ දී සිදු කෙරුණි. මෙම හමුවට ක්‍රීඩා නියෝජ්‍ය අමාත්‍ය සුගත් තිලකරත්න ද සහභාගී විය.
වත්මන් ආණ්ඩුව බලයට පත්වීමෙන් අනතුරුව ක්‍රීඩා අමාත්‍යාංශය ලෙස මෙතෙක් සිදු කළ වැඩ කටයුතු පිළිබඳවත්, ක්‍රීඩාවේ සංවර්ධනය වෙනුවෙන් ඉදිරියේ දී සිදු කිරීමට බලාපොරොත්තු වන වැඩසටහන් පිළිබඳවත්, මෙහිදී අමාත්‍යවරයා විසින් ක්‍රීඩා ක‍ර්තෘවරුන්, විද්‍යුත් මාධ්‍ය ක්‍රීඩා අංශ ප්‍රධානීන් දැනුවත් කිරීම සිදු විය.
මෙහිදී මාධ්‍යවේදීන්ගේ අදහස් සහ යෝජනා ද සාකච්ඡාවට ගැනුණු අතර, ක්‍රීඩා අමාත්‍යාංශය හමුවේ ඇති අභියෝග පිළිබඳවත් මාධ්‍යවේදීන් දැනුවත් කිරීම සිදු කෙරුණි.
