ආසියානු ක්‍රීඩා උළෙලේ කාන්තා ක්‍රිකට් 20/20 රිදී පදක්කම හිමි කර ගැනීමට ශ්‍රී ලංකාව සමත් වුණා. මෙවර ආසියානු ක්‍රීඩා උළෙලේදී ශ්‍රී ලංකාව හිමි කර ගත් පළමු පදක්කම මෙයයි.
කාන්තා ක්‍රිකට් රන් පදක්කම හිමි වුණේ ඉන්දියාවට. ජපානයේ කරෝගි ක්‍රීඩාංගණයේදී තරගය පැවැත්වුණා.
කාසියේ වාසිය හිමි කර ගත් ඉන්දියාව පළමුවෙන් පන්දුවට පහර දීමට තීරණය කළා.
ඒ අනුව ඔවුන් පන්දු වාර 20 ඇතුලට කඩුලු 3 ක් දැවී ලකුණු 216 ක් රැස් කළා. වැඩිම ලකුණු ලාභිනිය වූ ස්ම්‍රිතී මන්දනා ලකුණු 79 යි. පන්දු 45 කදී ගොඩනැගුණු ඔහුගේ ඉනිමට 4 පහර 5 ක් සහ 6 පහර 7 ක් ඇතුළත්. රීචා ගෝෂ් නොදැවී ලකුණු 49 ක් සහ ශෆාලි වර්මා ලකුණු 48 ක් රැස්කළා.
තරගය ජය ගැනීම සදහා ලකුණු 217 ක ඉලක්කයක් සමග ශ්‍රී ලංකා ඉනිම ආරම්භ කලේ චමරි අතපත්තු සහ ඉමේෂා දුලානි.
ආරම්භක කඩුල්ලේ සබධතාව ලකුණු 18 ක් වන විට ඉමේෂා දුලානි ලකුණු 3 කට දැවී ගියා. හසිනි පෙරේරාට ලකුණු රැස් කිරීමට හැකි වුණේ නැහැ. චමරි අතපත්තු ලකුණු 22 ක් රැස් කළා.
ශ්‍රී ලංකා කණ්ඩායමට පන්දු වාර 15 යි පන්දු 4 කදී සියලු ක්‍රීඩිකාවන් දැවී රැස් කිරීමට හැකි වුණේ ලකුණු 69 ක් පමණයි.
ඒ අනුව ඉන්දියාව තරගය ජය ගත්තේ ලකුණු 147 කින්. දීප්ති ශර්මා කඩුලු 3 ක් දවා ගත්තා. ශෆාලි වර්මා, ශ්‍රෙයන්කා පාට්ල් සහ ශ්‍රී චරානි කඩුලු 2 බැගින් දවා ගත්තා.
