දින දෙකෙන් අවසන් වූ පළමු අළු බඳුන තරගයේ ජය ඕස්ට්‍රේලියාවට

ඕස්ට්‍රේලියාව හා එංගලන්තය අතර ඓතිහාසික අළුබඳුන තරගාවලිය ඊයේ පර්ත් හීදී ආරම්හ වුණා. දෙවන දිනයේදීම කඩුලු 8ක ජයක් ලැබීමට ඕස්ට්‍රේලියාව සමත් වුණා.

ඊයේ දින පලමුව පන්දුවට පහරදුන් එංගලන්ත පළමු ඉනිම ලකුණු 172ට සීමා වුණා. විශිෂ්ට පන්දු යැවීමක නිරත වූ මිචෙල් ස්ටාර්ක් ලකුණු 58ට කඩුලු 7ක් දවාගැනීමට සමත් වුණා.එංගලන්ත පළමු ඉනිම වෙනුවෙන් හැරී බෲක් ලකුණු 52ක් හා ඔලී පෝප් ලකුණු 46ක් ලබාගත්තා.

සිය පළමු ඉනිමට ඕස්ට්‍රේලියාව ලබාගත්තේ ලකුණු 132ක් පමණයි. එහිදී එංගලන්තය වෙනුවෙන් බෙන් ස්ටෝර්ක් කඩුලු 5ක් හා බ්‍රයිඩන් කාර්ස් කඩුලු 3ක් දවාගත්තා.

ලකුණු 40ක් ඉදිරියෙන් සිටිමින් එංගලන්ත කණ්ඩායම සිය දෙවනි ඉනිම ආරම්භ කළ අතර දෙවෙනි ඉනිමට රැස් කිරීමට හැකිවුණේ ලකුණු 164ක් පමණයි. ඕස්ට්‍රේලියාව වෙනුවෙන් පන්දුයැවීමේදී ස්කොට් බොලන්ඩ් කඩුලු 4ක් හා මිචෙල් ස්ටාර්ක් කඩුලු 3ක් දවාගත්තා.

තරගයේ ජයග්‍රහණය සඳහා ඕස්ට්‍රේලියාවට ලකුණු 205ක් අවශ්‍යය වූ අතර ප්‍රවේගකාරී ඉනිමක් ක්‍රීඩා කරමින් ට්‍රැවිස් හෙඩ් පන්දු 83ට ලකුණු 123ක් ලබාගත්තා. ඒ අනුව කඩුලු 2ක් පමණක් දැවී තරගයේ ජයග්‍රහණය පන්දුවාර 28.2 දී ලබාගැනීමට ඕස්ට්‍රේලියාවට හැකිවුණා.

ලෝක ටෙස්ට් ශූරතාවයට සමගාමිව පැවැත්වූ මෙම අළු බඳුන තරගය ජයගත් ඕස්ට්‍රේලියාව 1-0ක් ලෙස තරගාවලියේ පෙරමුණට පැමිණියා.

තරගයේ වීරයා ලෙස සමස්ථ තරගයේ කඩුලු 10ක් ලබාගත් මිචෙල් ස්ටාර්ක් නම් කෙරුණා.