පකිස්තාන් සුපර් ලීග් තරගාවලිය ඊයේ රාවල්පින්ඩි හීදී ආරම්භ වුණා.
පළමු තරගය පැවැත්වුණේ ෂහීන් ශා අෆ්‍රීඩී නායකත්වය දරන ලාහෝර් ක්වැලැන්ඩර්ස් හා ශදාබ් කාන් නායකත්වය දරන ඉස්ලාමාබාද් යුනයිටඩ් කණ්ඩායම් අතරයි.
කාසියේ වාසිය දිනා මුලින් පන්දු යැවූ ඉස්ලාමාබාද් කණ්ඩායම ලෝහෝර් කණ්ඩායමේ සියලු කඩුලු ලකුණු 139ට දවාගැනීමට සමත් වුණා.
ලාහෝර් ක්වැලන්ඩර්ස් වෙනුවෙන් අබ්දුල්ලා ශෆීක් ලකුණු 66ක් හා සිකන්දර් රාසා ලකුණු 23ක් ලබාගත්තා.
ඉස්ලමාබාද් යුනයිටඩ් වෙනුවෙන් ජේසන් හෝල්ඩර් කඩුලු 4ක් හා ශදාබ් කාන් කඩුලු 3ක් ලබාගත්තා.
ඉස්ලාමාබාද් කණ්ඩායම පන්දුවාර 17.4දී කඩුලු 2ට ලකුණු 142ක් ලබාගෙන තරගය කඩුලු 8කින් ජයග්‍රහණය කිරීමට සමත් වුණා.
කොලින් මුන්රෝ නොදැවී ලකුණු 59යි. සල්මන් අගා නොදැවී ලකුණු 41යි.
තරගයේ වීරයා සම්මානය ජේසන් හෝල්ඩර් දිනාගත්තා.
