පාකිස්ථාන කාන්තා කණ්ඩායම සමග පැවැති එක් දින ක්‍රිකට් තරගාවලිය තරග 2ට 1ක් ලෙස ජය ගැනීමට ශ්‍රී ලංකාව අද සමත් වුණා.
ඒ, තරගාවලියේ තුන් වැනි තරගය කඩුලු 8කින් ජය ගනිමින්.
හම්බන්තොට මහින්ද රාජපක්ෂ ක්‍රීඩාංගනයේදී පැවැති තරගයේ පළමුවෙන් පන්දුවට පහරදුන් පාකිස්ථානය සියලු දෙනා ලකුණු 187ක් රැස්කළා.
නායක ෆාතිමා සානා ලකුණු 41 යි
චේතනා විමුක්ති, චමරි අතපත්තු සහ කවීශා දිල්හාරි අතර කඩුලු 3 බැගින් බෙදී ගියා.
ලකුණු 188ක ඉලක්කයක් හඹා ගිය ශ්‍රී ලංකා ක්‍රීඩිකාවන් තරගය ජය ගත්තේ පන්දුවාර 37යි පන්දු 2කදී කඩුලු 2ක් දැවී තිබියදීයි.
නායක චමරි අතපත්තු ලකුණු 52ක් රැස් කළා.
හර්ෂිතා සමවික්‍රම නොදැවී ලකුණු 71ක් රැස් කල අතර හසිනි පෙරේරා නොදැවී ලකුණු 50යි.
