ඊයේ දින පැවති රෝයල් චැලේන්ජර්ස් බැංගලෝර් හා චෙන්නයි සුපර් කිංග්ස් අතර පැවති තරගයේදී ආර්සීබී කණ්ඩායම කඩුලු 3ට ලකුණු 250ක් ලබාගැනීමට සමත් වුණා. ඒ මෙවර තරගාවලියේ කණ්ඩායමක් මෙතෙක් ලැබූ වැඩිම ලකුණු සංඛ්‍යාවයි.
මුලින් පන්දුවට පහර දුන් ආර්සීබී කණ්ඩායම පවර් ප්ලේ පන්දුවාර 6 දී එක් කඩුල්ලක් දැවී ලකුණු 51ක් ලබාගත් අතර අවසාන පන්දු ඕවර 5ට ලකුණු 97ක් ලබාගැනීමට සමත් වුණා.
බැංගලෝර් කණ්ඩායම වෙනුවෙන් ඕස්ට්‍රේලියානු පිතිකරු ටිම් ඩේවිඩ් පන්දු 25ට ලකුණු 70ක් ලබාගත් අතර එම ඉනිමට හයේ පහර 8ක් හා හතරේ පහර 3ක් ඇතුලත් වුණා. දෙව්දත් පඩික්කාල් පන්දු 29ට ලකුණු 50ක් ලබාගත්තා. නායක රජත් පටිදාර් පන්දු 19ට ලකුණු 48ක් ලබාගත් අතර ඔහුගේ ඉනිමට හයේ පහර 6ක් හා එක් හතරේ පහරක් ඇතුලත්. ෆිල් සෝල්ට් ලකුණු 46යි.
සීඑස්කේ පන්දු යවන්නන් දැඩි පීඩනයකට ලක්ව සිටියද, අන්ශුල් කාම්බෝජ්, ජෙමී ඕවර්ටන් හා ශිවාම් ඩුබේ එක් කඩුල්ල බැගින් ලබගැනීමට සමත් වුණා.
චෙන්නයි කණ්ඩායම මෙම අසීරු ඉලක්කය හඹායෑමට දැඩි ප්‍රයන්තයක නිරත් වුනත් ඔවුන්ට ලබාගත හැකි වුණේ සියලු කඩුලු දැවී ලකුණු 207ක් පමණයි.
ඔවුන්ගේ පළමු කඩුලු දෙකම ලකුණු 10කට දැවී ගිය අතර සංජු සැම්සන් තුන්වන කඩුල්ල ලෙස ලකුණු 30දී දැවී ගියා.
සර්ෆරාස් කාන් සිය දෙවන අර්ධ ශතකය වාර්තා කරමින් ලකුණු 50ක් ලබා සිටියදී දැවී ගියා. ප්‍රශාන්ත් වීර් ලකුණු 43යි, ජෙමී ඕවර්ටන් ලකුණු 37යි.
පන්දු යැවීමේදී බුවනේශ්වර් කුමාර් සිය අයිපීඑල් කඩුලු 200 සීමාව පසු කිරීමට සමත් වෙමින් ලකුණු 41ට කඩුලු 3ක් දවාගත්තා. ජේකබ් ඩෆී, අභිනන්දන් සිං හා කෘනාල් පාණ්ඩියා කඩුලු 2 බැගින් දවාගත්තා. සුයාෂ් ශර්මාට එක කඩුල්ලයි.
ඒ අනුව මේ තරගයත් ලකුණු 43කින් ජයගත් ආර්සීබී කණ්ඩායම ප්‍රසාද ලකුණු සටහනේ පෙරමුණ ගැනීමට සමත් වුණා.
තරගයේ වීරයා ලෙස ටිම් ඩේවිඩ් නම් කළා.
