ඉන්දීය ප්‍රීමියර් ලීග් 20-20 ක්‍රිකට් තරගාවලියේ ගුජරාට් ටයිටන්ස් කණ්ඩායම සමග ඊයේ පැවැති තරගය ලකුණු 99 කින් ජයගැනීමට මුම්බායි ඉන්දියන්ස් කණ්ඩායම සමත්වුණා.
මෙයින් ජයග්‍රාහී කණ්ඩායමේ තිලක් වර්මා අයි.පී.එල්. ඉතිහාසයේ මුම්බායි කණ්ඩායම වෙනුවෙන් වේගවත්ම ශතකයේ වාර්තාව සම කිරීම විශේෂත්වයක්.
තරගය පැවැත්වුනේ අහමදාබාද් හිදී. පළමුවෙන් පන්දුවට පහරදුන් මුම්බායි ඉන්දියන්ස් කණ්ඩායම පන්දුවාර 20 ඇතුළත කඩුලු 5 ක් දැවී ලකුණු 199 ක් රැස්කළා.
වේගවත් ඉණිමක් ක්‍රීඩාකල තිලක් වර්මා පන්දු 45 කදී නොදැවී රැස්කල ලකුණු සංඛ්‍යාව 101 ක්. ඔහුගේ ඉණිමට හතරේ පහර 8 ක් සහ හයේ පහර 7 ක් ඇතුළත්.
එය අයි.පි.එල් ඉතිහාසයේ මුම්බායි ඉන්දියන්ස් කණ්ඩායමේ වේගවත්ම ශතකය සමකිරීමක් වන අතර මීට පෙර සනත් ජයසූරිය 2008 වසරේදී එම වාර්තාව පිහිටුවා තිබුණා.
පිළිතුරු ලෙස ගුජරාට් ටයිටන්ස් කණ්ඩායමට පන්දුවාර 15 යි පන්දු 5 කදී සියලු ක්‍රීඩකයින් දැවී රැස්කල ලකුණු සංඛ්‍යාව 100 ක්. වොෂිංටන් සුන්දර් ලකුණු 26 යි. පන්දු යැවීමේදී අශ්වානි කුමාර් කඩුලු 4 ක් බිදහෙලුවා.
