ශ්‍රී ලංකාව හා බංග්ලාදේශය අතර තරග තුනකින් සමන්විත එක්දින තරගාවලියේ තුන්වන හා අවසන් එක්දින තරගය අද පල්ලෙකැලේ ක්‍රීඩාංගණයේදී පැවැත්වේ.
මේ වන විට දෙපිලම 1-1ක් වශයෙන් තරගාවලියේ සම තත්වයක පසුවේ.
දෙරට අතර පළමු එක්දින තරගය ශ්‍රි ලංකාව ලකුණු 77කින් ජයගත් අතර දෙවන තරගය බංග්ලාදේශය ලකුණු 16කින් ජයගත්තා.
අද ප.ව 2.30ට ආරම්භවීමට නියමිත මෙම දිවා රාත්‍රී තරගය, තරගාවලියට තීරණාත්මක තරගයක් බැවින් වඩාත් උණුසුම් තරගයක් වනු ඇත.
බංග්ලාදේශ කණ්ඩායම තවමත් ශ්‍රී ලංකාවේදී එක්දින තරගාවලියක් ජයගෙන නොමැති අතර මෙම තරගයට බංග්ලාදේශ කණ්ඩායමට බෙහෙවින් වැදගත් තරගයකි.
