ශ්රී ලංකා ක්රිකට් සම්මාන උලෙළේදී වසරේ විශිෂ්ටතම ක්රිකට් ක්රිඩකයාට හිමි සම්මානය පැතුම් නිස්සංක දිනාගත්තා. චමරි අතපත්තු වසරේ විශිෂ්ටතම ක්රිකට් ක්රීඩිකාවයි.
2025 වසරට අදාළ අන්තර් සමාජ ජාතික සහ ජාත්යන්තර ක්රිකට් පිටියේදී දක්ෂතා දැක්වු ක්රිකට් ක්රීඩක ක්රීඩිකාවන් ඇගයීම සදහා මෙම සම්මාන උලෙළ සංවිධාන කර තිබුණා.
ඊයේ රාත්රීයේ මෙය පැවැත්වුණේ, ක්රීඩා අමාත්ය සුනිල් කුමාර ගමගේ, ශ්රී ලංකා ක්රිකට් පරිවර්තන කමිටුවේ සභාපති ඉරාන් වික්රමරත්න යන මහත්වරුන් ඇතුලු පිරිසකගේ සහභාගීත්වයෙන්.
ක්රීඩක ක්රීඩිකාවන් 42 දෙදෙනෙකු මෙහිදී ඇගයීමට ලක් කෙරුණා. 2025 වසරේ හොඳම ටෙස්ට් පිතිකරු ලෙස පැතුම් නිස්සංක සම්මානයට පාත්ර වුණා.
ප්රභාත් ජයසූරිය හොඳම ටෙස්ට් පන්දු යවන්නායි. ශ්රී ලංකා ටෙස්ට් ක්රිකට් නායක ධනංජය ද සිල්වා හොඳම තුන්ඉරියව් ක්රීඩකයාට හිමි සම්මානය දිනා ගත්තා. 2026 වසරේ හොඳම එක්දින පිතිකරු ලෙස සම්මාන දිනා ගත්තේ චරිත් අසලංක. හොඳම එක්දින පන්දු යවන්නා සම්මානය අසිත ප්රනාන්දුට හිමිවුනා.
හොඳම එක්දින තුන් ඉරියව් ක්රීඩකයා ලෙස වනිඳු හසරංග සම්මානයට පාත්ර වුණා. 2025 වසරේ 20-20 තරග අංශයේ හොඳම පිතිකරු ලෙස පැතුම් නිස්සංක සම්මාන දිනාගත්තා.
එම අංශයේ හොඳම පන්දු යවන්නා දුෂ්මන්ත චමීරයි. දසුන් ශානක 20-20 අංශයේ හොඳම තුන් ඉරියව් ක්රීඩකයා ලෙස සම්මානයට පාත්ර වුණා.
2025 වසරේ කාන්තා අංශයේ එක්දින පිටියේ හොඳම පන්දු යවන්නිය සහ හොදම තුන් ඉරියව් ක්රීඩිකාව යන සම්මාන ද්විත්යම ශ්රී ලංකා නායිකා චමරි අතපත්තුට හිමිවුනා. දක්ෂතම එක්දින පිතිකාරිනිය හර්ෂිතා සමරවික්රමයි.
20-20 තරග අංශයේ දක්ෂතම පිතිකාරිනිය සහ දක්ෂතම තුන් ඉරියව් ක්රීඩිකාව යන සම්මාන ද්විත්යද චමරි අතපත්තුට හිමිවුණා. එම අංශයේ දක්ෂතම පන්දු යවන්නිය කවීෂා දිල්හාරි ක්රීඩිකාවයි.
2025 වසර් නැගී එන ක්රීඩකයා ලෙස සම්මාන දිනාගැනීමට කමිල් මිෂාර සමත්වුණා. නැගී එන ක්රීඩිකාව සම්මානයෙන් පිදුම් ලැබුවේ ඉමේෂා දුලානි ක්රීඩිකාවයි.
2025 වසරේ ජාත්යන්තර ක්රිකට් පිටියේදී දැක්වූ දක්ෂතා හේතුවෙන් වසරේ විශිෂ්ටතම ක්රිකට් ක්රීඩිකාව ලෙස හිමි සම්මානයයට පාත්ර වුනේ ශ්රී ලංකා ක්රිකට් නායිකා චමරි අතපත්තුයි.
ඇය මෙවර සම්මාන උලෙළේදී සම්මාන 5 ක් හිමි කර ගැනීම විශේෂත්වයක්. පැතුම් නිස්සංක 2025 වසරේ විශිෂ්ටතම ක්රිකට් ක්රීඩකයාට හිමි සම්මානය දිනාගත්තා.
