ශ්‍රී ලංකාව සහ බටහිර ඉන්දීය කොදෙව් කණ්ඩායම් අතර පැවති 20-20 ක්‍රිකට් තරගාවලිය තරග දෙකට එකක් ලෙස ජය ගැනීමට බටහිර ඉන්දීය කොදෙව් කණ්ඩායම සමත්වුණා. ඒ අද පැවති තුන්වැනි තරගය කඩුලු 5 කින් ජය ගනිමින්.
තරගය පැවැත්වුණේ කින්ග්ස්ටන් හිදී. පළමුවෙන් පන්දුවට පහර දුන් ශ්‍රී ලංකා කණ්ඩායම පන්දුවාර 20 ඇතුළත සියලු ක්‍රීඩකයින් දැවී ලකුණු 169 ක් රැස්කළා. දුනිත් වෙල්ලාලගේ ලකුණු 43 යි. කමිල් මිෂාර ලකුණු 28 ක් සහ පැතුම් නිස්සංක ලකුණු 26 ක් ලබාගත්තා.
පන්දු යැවීමේදි ෂෙමර් ජෝෂප් කඩුලු 5 යි. පිළිතුරු ලෙස බටහිර ඉන්දීය කොදෙව් කණ්ඩායම තරගය ජයගත්තේ පන්දුවාර 19 යි පන්දු 4 කදි කඩුලු 5 ක් දැවී ලකුණු 170 ක් රැස් කරමින්. ෂර්ෆන් රදර්ෆර්ඩ් නොදැවී ලකුණු 54 ක් ලබාගත්තා. ජේසන් හෝල්ඩර් පන්දු 5 කදි 6 පහර 3 ක් සමග නොදැවී ලබාගත් ලකුණු සංඛ්‍යාව 21 ක්.
