ශ්‍රී ලංකාව සහ නවසීලන්ත ‘ඒ’ කණ්ඩායම් අතර පැවති එක්දින ක්‍රිකට් තරගාවලිය තරග 3 ට බින්දුවක් ලෙස ජය ගැනීමට ශ්‍රී ලංකා කණ්ඩායම අද සමත් වුණා.
තරගාවලියේ තුන්වැනි තරගය ජය ගත්තේ, කඩුලු 4 කින්. තරගය පැවැත්වුණේ, හම්බන්තොට සූරියවැව අන්තර්ජාතික ක්‍රිකට් ක්‍රීඩාංගණයේදී. පළමුවෙන් පන්දුවට පහර දුන් නවසීලන්ත ‘ඒ’ කණ්ඩායම පන්දුවාර 50 ඇතුළත කඩුලු 7 ක්දැවී ලකුණු 302 ක් රැස් කළා.
මොහොමඩ් අබ්බාස් නොදැවී ලකුණු 110 යි. මැතිව් බොයිලේ ලකුණු 85 ක් ලබා ගත්තා. පන්දු යැවීමේදී විජයනාන්ත් වියස්කාන්ත් කඩුලු 2 යි. පිළිතුරු ලෙස ශ්‍රී ලංකා ‘ඒ’ කණ්ඩායම තරගය ජය ගත්තේ, පන්දුවාර 46 යි පන්දු 2 කදී කඩුලු 6 ක් දැවී ලකුණු 303 ක් රැස් කරමින්.
කමිල් මිෂාර ලකුණු 83 ක් ලබා ගත් අතර, පවන් රත්නායක ලකුණු 77 යි. අහන් වික්‍රමසිංහ නොදැවී ලකුණු 64 ක් ලබා ගත්තා.
