ශ්‍රී ලංකා ඒ කණ්ඩායම, 2026 නැගී එන කණ්ඩායම් අතර ආසියානු කුසලාන කාන්තා ක්‍රිකට් තරගාවලියේ අවසන් පූර්ව වටයට අද සුදුසුකම් ලබා ගත්තා.
ඒ, තායිලන්තය සමග පැවැති තරගය ලකුණු 23කින් ජය ගනිමින්.
තායිලන්තයේ බැංකොක්හිදී පැවැති තරගයේ පළමුවෙන් පන්දුවට පහරදුන් ශ්‍රී ලංකා ඒ කණ්ඩායම කඩුලු 5ක් දැවී ලකුණු 133ක් රැස් කළා.
හංසිමා කරුණාරත්න නොදැවී ලකුණු 62යි.
ලකුණු 134ක ඉලක්කයක් හඹා ගිය තායිලන්තයේ සියලු දෙනා ලකුණු 110කට දැවී ගියා.
නත්තකන් චන්තම් ලකුණු 57යි.
ඒ අනුව තරගාවලියේ බී කාණ්ඩයේ ලකුණු සටහනේ දෙවැනි ස්ථානය තහවුරු කර ගැනීම හේතුවෙන් ශ්‍රී ලංකාව අවසන් පූර්ව වටයට සුදුසුකම් ලබා ගත්තා.
ඔවුන් සහභාගී වන අවසන් පූර්ව තරගය ලබන සිකුරාදා ඉන්දීය ඒ කණ්ඩායම සමග පැවැත්වීමට නියමිතයි.
