ආසියානු ක්රීඩා උලෙළේ, කාන්තා 20-20 ක්රිකට් තරගාවලියේ අවසන් පූර්ව තරගයට සුදුසුකම් ලබා ගැනීමට ශ්රී ලංකා කණ්ඩායම අද සමත් වුණා.
ඒ, මැලේසියාව සමග පැවති තුන්වැනි අර්ධ අවසන් පූර්ව තරගය ලකුණු 86 කින් ජය ගනිමින්.
තරගය ජපානයේ නිෂින් හිදී පැවැත්වුණා. කාසියේ වාසිය හිමි කර ගත් ශ්රී ලංකා කණ්ඩායම පළමුවෙන් පන්දුවට පහරදීමට තීරණය කළා.
ඒ අනුව, ශ්රී ලංකා ක්රීඩිකාවන් පන්දුවාර 20 තුළ කඩුලු 4 ක් දැවී ලකුණු 160 ක් ලබා ගත්තා. නායිකා චමරි අතපත්තු අර්ධ ශතකයක් සමගින්, පන්දු 37 කදී ලකුණු 63 ක් ලබා ගත්තා. ඊට 4 පහර 7 ක් සහ 6 පහර 3 ක් ඇතුළත්.
කවීෂා දිල්හාරි නොදැවී ලකුණු 44 යි. පන්දු යැවීමේදී මැලේසියානු ක්රීඩිකා නුරින් ඉමානිනා කඩුලු 3 ක් දවා ගත්තා. ලකුණු 161 ක ජයග්රාහී ඉලක්කයක් හඹා ගිය මැලේසියා කණ්ඩායමට පන්දුවාර 20 තුළ කඩුලු 7 ක් දැවී ලබා ගත හැකි වූයේ ලකුණු 74 ක් පමණයි.
විනිෆ්රඩ් දුරෙයිසිංගම් ලකුණු 28 යි. මහිරාහ් ඉසාටි ඉස්මයිල් ලකුණු 24 ක් රැස් කළා. පන්දු යැවීමේදී ශ්රී ලංකා කණ්ඩායමේ මිතලි අයෝධ්යා, කවීෂා දිල්හාරි සහ චමරි අතපත්තු කඩුලු 2 බැගින් දවා ගත්තා.
තරගාවලියේ පළමු අවසන් පූර්ව තරගට ශ්රී ලංකාව, පකිස්තාන කණ්ඩායම සමගින් ලබන 20 වැනිදා තරග වැදීමට නියමිතයි.
