ශ්රී ලංකාව හා ඕස්ට්රේලියාව අතර තරග දෙකකින් සමන්විත එක්දින තරගාවලිය 2-0ක් ලෙස ජයගනීමට ශ්රී ලංකාව සමත් වුණා. ඒ දෙවන එක්දින තරගය ලකුණු 174කින් ජයගැනීමෙන්.
කාසියේ වාසිය දිනා ශ්රී ලංකා කණ්ඩායම මුලින්ම පන්දුවට පහර දී කඩුලු 4ක් දැවී ලකුණු 281 රැස් කළා.
ප්රථම කඩුල්ල ලෙස පැතුම් නිශ්ශංක මුලු ලකුණු සංඛ්යාව ලකුණු 15 දී දැවී ගියා. ඉන් අනතුරුව කුසල් මෙන්ඩිස් සමග
අද තරගයට ඇතුල් කළ නිෂාන් මධුෂ්ක දෙවන කඩුල්ල සඳහා ලකුණු 98ක සබඳතාවයක් ගොඩනැගුවා.
සුපිරි පිතිකරණයක නිරත වූ කුසල් මෙන්ඩිස් පන්දු 115ට ලකුණු 101ක් ලබාගත්තා. නායක චරිත් අසලංක පන්දු 66දී නොදැවී ලකුණු 78යි. ජනිත් ලියනගේ නොදැවී පන්දු 21ට ලකුණු 32යි.
පන්දු යැවීමේදී බෙන් ද්වාර්ශියස්, ආරොන් හාර්ඩි, සෝන් ඇබට් හා ඇඩම් සැම්පා එක් කඩුල්ල බැගින් දවාගත්තා.
ඔස්ට්රේලියා ඉනිමේ පළමු කඩුලු 3 ලකුණු 33ට දවාගැනීමට අසිත ප්රනාන්දු සමත් වුණා.
ඉන්පසු ජොෂ් ඉංග්ලිස් සමග ස්ටීව් ස්මිත් සිව්වන කඩුල්ල සඳහා ලකුණු 46ක සබඳතාවයක් ගොඩනගමින් සිටියදී ශ්රී ලංකා දඟපන්දු බලඇණිය ඔස්ට්රේලියා ඉණිම බිඳහෙලීම ආරම්භ කළා.
දක්ෂ පන්දු යැවීමක නිරත වූ දුනිත් වෙල්ලාලගේ ලකුණු 35ට කඩුලු 4ක් දවාගත්තා. වනිඳු හසරංග කඩුලු 3ක් හා අසිත ප්රනාන්දු කඩුලු 3ක් දවාගනිමින් පන්දුවාර 24.2දී ලකුණු 107ට ඕස්ට්රේලියාවේ සියලු කඩුලු දවාලීමට සමත් වුණා.
මෙම ලකුණු ප්රමාණය ඕස්ට්රේලියාව ආසියානු කලාපයේදී ලබාගත් අවම ලකුණු ප්රමාණයයි. අවසන් තරගයේ වීරයා කුසල් මෙන්ඩිස් වූ අතර තරගාවලියේ වීරයා නායක චරිත් අසලංක වුණා.
ඒ අනුව ටෙස්ට් තරගාවලිය 2-0ක් ලෙස ඕස්ට්රේලියාව ජයගනිද්දී එක්දින තරගාවලිය 2-0ක් ලෙස ශ්රී ලංකාව ජයගත්තා.
