එළඹෙන 28 වනදා ආරම්භවීමට නියමිත IPL තරගාවලියේදී සන්රයිසස් හයිද්‍රබාද් (SRH) කණ්ඩායමේ නායකත්වය තාවකාලිකව ඉෂාන් කිෂාන් හට ලබාදීමට කණ්ඩායමේ කළමණාකාරීත්වය තීරණය කොට ඇත. ඒ කණ්ඩායමේ නිත්‍ය නායක පැට් කමින්ස් හට ඔහුගේ අබාධය නිසා මුල් තරග කිහිපයක් අහිමි වන බැවින් ය.
පැට් කමින්ස් ගේ ඇතිවී ඇති මෙම ආබාධය නිසා ඔහුට 2026 T20 ලෝක කුසලානයද සම්පූර්ණයෙන්ම අහිමි වූ අතර ඔහු තවමත් එම අබාධයෙන් පූර්ණ සුවයක් ලබා නොමැත.
සන් රයිසස් හයිද්‍රබාද් කණ්ඩායම හා ගිය වර ශූරයන් වූ රෝයල් චැලේන්ජර්ස් බැංගලෝර් (RCB) කණ්ඩායම අතර පළමු තරගය 28 වනදා පැවැත්වීමට නියමිත අතර එම තරගය හා මුල් වටයේ තවත් තරග කිහිපයක් සඳහාම පැට් කමින්ස් ගේ සහභාගීත්වය අවිනිශ්චිත බව කණ්ඩායමේ කළමණාකාරීත්වය දන්වා ඇත.
ඒ අනුව තරගාවලියේ පළමු තරග කිහිපයේ නායකත්වයේ ඉෂාන් කිෂාන් කටයුතු කරනු ලබන අතර 2009න් පසුව කණ්ඩායම් 10 සඳහාම ඉන්දීය ක්‍රීඩකයන් පමණක් නායක්ත්වය දරන පළමු අවස්ථාව මෙයයි.
