“ඉන්ටර්නැෂනල් මාස්ටර්ස් ලීග් 20 – 20” ක්රිකට් තරගාවලියේ අවසන් තරගයට පිවිසීමේ අවස්ථාව ශ්රී ලංකාව මාස්ටර්ස් කණ්ඩායමට ඊයේ අහිමි වුණා. ඒ, දෙවැනි අවසන් පූර්ව තරගයේ දී, බටහිර ඉන්දීය කෙදෙව් මාස්ටර්ස් කණ්ඩායම හමුවේ ලකුණු 6 කින් පරාජයට පත්වීම හේතුවෙන්.
තරගය පැවැත්වුණේ, ඉන්දියාවේ රායිපූර්හි දී. කාසියේ වාසිය දිනූ ශ්රී ලංකා කණ්ඩායම, පළමුවෙන් පන්දුවට පහරදීමට කොදෙව් කණ්ඩායමට ආරාධනා කළා. ඒ අනුව, ඔවුන් පන්දුවාර 20 ඇතුළත කඩුලු 5 ක් දැවි ලකුණු 179 ක් රැස් කළා. නායක බ්රයන් ලාරා ලකුණු 41 යි. වේගවත් ඉනිමක් ක්රීඩා කළ දිනේෂ් රාම්ඩීන් නොදැවි ලකුණු 50 ක් රැස් කළා. පන්දු 22 කදී ගොඩනැගුණු ඔහුගේ ඉනිමට 4 පහර 4 ක් සහ 6 පහර 3 ක් ඇතුළත්.
පිළිතුරු ඉනිම ක්රීඩා කළ ශ්රි ලංකාව, පන්දුවාර 20 ඇතුළත කඩුලු 9 ක් දැවී ලකුණු 173 ක් රැස් කළා. ආරම්භක පිතිකරුවන් ලෙස පිටියට පිවිසි නායක කුමාර් සංගක්කාර, ලකුණු 17 කටත්, උපුල් තරංග ලකුණු 30 කටත් දැවී ගියා. වැඩිම ලකුණු ලාභියා වූ අසේල ගුණරත්න, ලකුණු 66 යි. පන්දු යැවීමේ දී ටීනෝ බෙස්ට් කඩුලු 4 ක් දවා ගත්තා. තරගයෙන් ලකුණු 6 ක තියුණු ජයක් ලැබූ බටහිර ඉන්දිය කොදෙව් කණ්ඩායම තරගාවලියේ අවසන් තරගයට සුදුසුකම් ලැබුවා.
ඉන්දීය සහ කොදෙව් මාස්ටර්ස් කණ්ඩායම් අතර අවසන් තරගය හෙට පැවැත්වීමට නියමිතයි.
